ବେଙ୍ଗାଲୁରୁ,୪।୯ : କର୍ନାଟକ ଭାଜପାର ଜଣେ ବରିଷ୍ଠ ନେତା ରାଜ୍ୟରେ କଂଗ୍ରେସ ସରକାରକୁ ନେଇ ଏକ ବଡ ଦାବି କରିଛନ୍ତି। ନେତା କହିଛନ୍ତି ୨୦୨୪ ନିର୍ବାଚନ ପରେ କର୍ନାଟକର କଂଗ୍ରେସ ସରକାର କ୍ଷମତାଚ୍ୟୁତ ହେବେ। ଏକ ଦଳ ଭାବରେ କଂଗ୍ରେସର ରାଜ୍ୟରେ କୌଣସି ଭବିଷ୍ୟତ ନାହିଁ ଅବା ସମଗ୍ର ଦେଶରେ ବି ନାହିଁ।
ବିଏସ ୟେଦୁରପ୍ପାଙ୍କ ନେତୃତ୍ୱରେ ଭାଜପା ସରକାରରେ କ୍ୟାବିନେଟ ମନ୍ତ୍ରୀ ଥିବା କେ.ଏସ ଇଶ୍ୱରପ୍ପା ଏକ ନ୍ୟୁଜ ଚ୍ୟାନେଲରେ ଏହି ବିବୃତ୍ତି ଦେଇଛନ୍ତି। ରାଜ୍ୟର ଶାସକ ସରକାର ଉପରେ ଆକ୍ରମଣ କରି ସେ ଅନ୍ୟ ଏକ ଅପରେଶନ ଲୋଟସ ବିଷୟରେ ଚେତାବନୀ ଦେଇଛନ୍ତି। ସେ କହିଛନ୍ତି ୨୦୨୪ ଲୋକସଭା ନିର୍ବାଚନ କଂଗ୍ରେସ ପାଇଁ କ୍ଷମତାର ଅନ୍ତ ବୋଲି ପ୍ରମାଣିତ ହୋଇପାରେ।
