ନୂଆଦିଲ୍ଲୀ,୪ ।୯: ଦେଶର ଦରଦାମ ବୃଦ୍ଧିକୁ ନେଇ କଂଗ୍ରେସର ହଲ୍ଲାବୋଲ ରାଲିରେ ରାହୁଲ ଗାନ୍ଧୀ ଭାରତୀୟ ଜନତା ପାର୍ଟି(ଭାଜପା) ସରକାର ଉପରେ ଖୁବ୍ ବର୍ଷିଛନ୍ତି । କୃଷକ, ବେକାରୀ, ଦରଦାମ ବୃଦ୍ଧି ଏମିତି ଅନେକ କଥାକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାରଙ୍କୁ ଟାର୍ଗେଟ କରିଛନ୍ତି ରାହୁଲ । ସେ ବାରମ୍ବାର ସିଧାସଳଖ ନାମ ନ ନେଇ ଦୁଇଜଣ ଉଦ୍ଦ୍ୟୋଗପତିଙ୍କ ସାହାରାରେ ପ୍ରଧାନମନ୍ତ୍ରୀ ମୋଦିଙ୍କୁ ଘେରିବାକୁ ଚେଷ୍ଟା କରିଛନ୍ତି ।
ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି)ର ପଚରା ଉଚରାକୁ ନେଇ ବି ମୋଦି ସରକାରଙ୍କୁ ଟାର୍ଗେଟ କରିଛନ୍ତି ରାହୁଲ । ସେ କହିଛନ୍ତି ମୋତେ ୫୫ ଘଣ୍ଟା ପଚରା ଉଚରା କରାଯାଇଛି । ୫୫ ଘଣ୍ଟା କାହିଁକି, ୫୦୦ ଘଣ୍ଟା, ୫ ବର୍ଷ ପଚରା ଉଚରା କରନ୍ତୁ , ଏହାଦ୍ୱାରା ମୋ ଉପରେ କୌଣସି ଫରକ ପଡିବ ନାହିଁ ।
