ଫୁଲବାଣୀ,୧୬।୫(ରାକେଶ କୁମାର ରାଉତ): ଦୀର୍ଘ ବର୍ଷ ହେଲା ଏଠି ଗୋଟିଏ ସରକାର ରହିଛି। ଯେଉଁ ଦଳ ଶାସନ କରୁଛି ତାହାକୁ ଭାଜପା ସୃଷ୍ଟି କରିଥିଲା। ଆଜି ପର୍ଯ୍ୟନ୍ତ ଓଡ଼ିଶାରେ କିଛି ପରିବର୍ତ୍ତନ ହୋଇନାହିଁ। ଫୁଲବାଣୀରେ ଅନୁଷ୍ଠିତ ନିର୍ବାଚନୀ ସଭାରେ ଏଭଳି କିଛି କହିଛନ୍ତି କଂଗ୍ରେସ ରାଷ୍ଟ୍ରୀୟ ଅଧ୍ୟକ୍ଷ ମଲ୍ଲିକାର୍ଜୁନ ଖାର୍ଗେ।
ଖାର୍ଗେ ଆହୁରି କହିଛନ୍ତି, ଦଳିତ, ଆଦିବାସୀ, ପଛୁଆ ବର୍ଗର ଲୋକେ ଯେପରି ଥିଲେ ସେପରି ଅଛନ୍ତି। ଭାଜପା କଥାରେ ଏହି ଦଳ ଚାଲିଛି। ଯୁବ ବର୍ଗଙ୍କ ପାଖରେ ରୋଜଗାର ନାହିଁ। ମା’ମାନେ ଆଜି ହଇରାଣ ହରକତ ହେଉଛନ୍ତି। ଆଜି ଆମେ କଥା କହିବା, ପଢିବା ଲେଖିବା ପାଇଁ ଭାରତୀୟ ସମ୍ବିଧାନ କ୍ଷମତା ଦେଇଛି, କିନ୍ତୁ ମୋଦି ସରକାର ସମ୍ବିଧାନ ବଦଳାଇବାକୁ ଚାଁହୁଛନ୍ତି। ମୋଦି ସରକାର ଆସିଲେ ଆମେ କାହାକୁ କିଛି କହି ପାରିବା ନାହିଁ। ପୁଣି ବ୍ରିଟିଶ ରାଜ ଚାଲିବ। ଏଥିରୁ ବଞ୍ଚିବାକୁ ହେଲେ କଂଗ୍ରେସକୁ କ୍ଷମତାକୁ ଆଣିବାର ଅଛି ।