ଭୋପାଳ,୧୧।୧୦ : ମଧ୍ୟପ୍ରଦେଶରେ ବିଧାନସଭା ନିର୍ବାଚନ ଘୋଷଣା କରାଯାଇଛି, ଜାତିଗତ ଜନଗଣନା ଘୋଷଣା କରିବା ନେଇ କଂଗ୍ରେସ ଏହାର ଉଦ୍ଦେଶ୍ୟ ସ୍ପଷ୍ଟ କରିଛି, ଏହାର ନେତାମାନେ ମଧ୍ୟ ସନାତନ ଧର୍ମ ସହ ଜଡିତ ବିଶ୍ୱାସକୁ କ୍ଷତି ପହଞ୍ଚାଉଛନ୍ତି। ଏସବୁ ସ୍ପଷ୍ଟ ଭାବରେ ଦର୍ଶାଉଛି ନିର୍ବାଚନରେ ଧର୍ମ ଓ ଜାତି କଂଗ୍ରେସ ପାଇଁ ଦୁଇଟି ବଡ଼ ପ୍ରସଙ୍ଗ ହେବ। ଏନେଇ ରାଜନୈତିକ ମହଲରେ ଚର୍ଚ୍ଚା ଜାରି ରହିଛି। ଅପରପକ୍ଷରେ, କଂଗ୍ରେସର ଏହୀ ନୀତିକୁ ଭାଜପା ବିରୋଧ କରିଛି।
ମଧ୍ୟପ୍ରଦେଶ ଗୃହମନ୍ତ୍ରୀ ଡକ୍ଟର ନରୋତ୍ତମ ମିଶ୍ର ବୁଧବାର ଗଣମାଧ୍ୟମ ସହ ଆଲୋଚନା କରିବାବେଳେ କଂଗ୍ରେସକୁ କଟାକ୍ଷ କରିଛନ୍ତି। ସେ କହିଛନ୍ତି ଯେଉଁମାନେ ସନାତନ କ’ଣ ବୁଝନ୍ତି ନାହିଁ, ସେମାନେ ପିତୃପକ୍ଷ ବିଷୟରେ କହୁଛନ୍ତି, ଆମେ ଆମର ପୂର୍ବଜଙ୍କୁ ସମ୍ମାନ ଦେଉଛୁ।
ସେ କହିଛନ୍ତି ଆମର ତାଲିକା ଆଗରୁ ଆସୁଛି, ଆଜିକାଲି ଆମେ କୌଣସି ନୂଆ କାମ କରୁନାହୁଁ, କଂଗ୍ରେସ ଏହି ତାଲିକା ପ୍ରକାଶ କରିବାକୁ ମଧ୍ୟ ସକ୍ଷମ ନୁହଁନ୍ତି, ସେ ପ୍ରଶ୍ନ କରିଛନ୍ତି ସେମାନେ ମହାକାଳଙ୍କ ଉପରେ ଟୁଇଟ କରି ରାମ ଜନ୍ମଭୂମି ଉପରେ ପ୍ରଶ୍ନ କରିଛନ୍ତି। ଲାଷ୍ଟ ସମୟରେ ଫାଷ୍ଟ ହେବା ପାଇଁ କଂଗ୍ରେସ କାଷ୍ଟ ଗେମ ଖେଳୁଛି । ଏହା କଂଗ୍ରେସର ମାନସିକତାକୁ ବିସ୍ଫୋରଣ କରିବ।