ନୂଆଦିଲ୍ଲୀ,୨୫।୯: ଅଲ ଇଣ୍ଡିଆ ହିନ୍ଦୁ ମହାସଭାର ରାଷ୍ଟ୍ରିୟ ଅଧ୍ୟକ୍ଷ ସ୍ବାମୀ ଚକ୍ରପାଣି ମହାରାଜ ଲୋକ ସଭା ନିର୍ବାଚନ ପୂର୍ବରୁ ଗଠିତ ଗ୍ରାଣ୍ଡ ଆଲାଇନ୍ସ ‘ଇଣ୍ଡିଆ’କୁ ଟାର୍ଗେଟ୍ କରିଛନ୍ତି। ସେ କହିଛନ୍ତି ଯେ, ଏହି ମିଳିତ ମଞ୍ଚର କିଛି ଲୋକ ସନାତନ ବିରୋଧୀ ଏବଂ ଜନସାଧାରଣ ସେମାନଙ୍କୁ ଉଚିତ୍ ଶିକ୍ଷା ଦେବେ। ସନାତନ ବିରୋଧୀ ସହ କଂଗ୍ରେସ ରହିଛି। ଆସନ୍ତା ନିର୍ବାଚନରେ ଲୋକେ ଏହାର ଜବାବ ଦେବେ।
୨୦୨୪ରେ ହେବାକୁ ଥିବା ଲୋକସଭା ନିର୍ବାଚନ ପୂର୍ବରୁ ବାକ୍ଯୁଦ୍ଧ ତୀବ୍ର ହୋଇଛି। ନିକଟରେ ତାମିଲନାଡୁର ମନ୍ତ୍ରୀ ତଥା ଡିଏମକେ ନେତା ଉଦୟନିଧି ଷ୍ଟାଲିନ ସନାତନ ଧର୍ମକୁ ଡେଙ୍ଗୁ ଏବଂ ମ୍ୟାଲେରିଆ ଭଳି ରୋଗ ସହ ତୁଳନା କରିଥିଲେ। ଭାଜପା ଏହାକୁ ନେଇ ମିଳିତ ମେଣ୍ଟ ‘ଇଣ୍ଡିଆ’କୁ ଟାର୍ଗେଟ୍ କରିଥିଲା। ଡିଏମକେ ଇଣ୍ଡିଆ ଗ୍ରାଣ୍ଡ ଆଲାଇନ୍ସର ଏକ ଅଂଶ। ଏଭଳି ପରିସ୍ଥିତିରେ ଭାଜପା ଗ୍ରାଣ୍ଡ ଆଲାଇନ୍ସର ନେତାମାନଙ୍କୁ ପ୍ରଶ୍ନ କରୁଛି ଯେ ସେମାନେ ସନାତନ ଧର୍ମ ବିରୋଧରେ ଅଛନ୍ତି କି ବୋଲି ପ୍ରଶ୍ନ କରିଛି।