ନୂଆଦିଲ୍ଲୀ,୨୧।୮: ଆସନ୍ତା ମାସରେ ଜମ୍ମୁ କଶ୍ମୀରରେ ବିଧାନସଭା ନିର୍ବାଚନ ହେବାକୁ ଯାଉଛି। ଧାରା ୩୭୦ହଟାଇବା ପରେ ଉପତ୍ୟକାରେ ପ୍ରଥମ ଥର ପାଇଁ ବିଧାନସଭା ନିର୍ବାଚନ ହେବାକୁ ଯାଉଛି, ଯାହା ଉପରେ ସମଗ୍ର ଦେଶ ନଜର ରଖିଛି। ଏଥିପାଇଁ ନ୍ୟାଶନାଲ କନଫରେନ୍ସ, ପିଡିପି, କଂଗ୍ରେସ ଏବଂ ଭାଜପା ସମେତ ସମସ୍ତ ଦଳ ବିଜୟର ପତାକା ଉଡାଇବାକୁ ପ୍ରସ୍ତୁତ ହୋଇଛନ୍ତି। ଏହି ସମୟରେ କଂଗ୍ରେସ ସୂତ୍ରରୁ ପ୍ରକାଶ ଯେ ଜମ୍ମୁ କଶ୍ମୀରରେ ନ୍ୟଶଶନାଲ କନଫରେନ୍ସ ସହ ମିଳିତ ସମ୍ପର୍କକୁ ନେଇ ପରଦା ପଛରେ ଆଲୋଚନା ଚାଲିଛି।
କଂଗ୍ରେସ ସୂତ୍ରରୁ ପ୍ରକାଶ ଯେ କଂଗ୍ରେସ ୯୦ରୁ ୪୦ଟି ଆସନ ଦାବି କରୁଥିବାବେଳେ ଓମାର ଅବଦୁଲ୍ଲା କେବଳ ୨୫ଟି ସିଟ ଦେବାକୁ ପ୍ରସ୍ତୁତ ଅଛନ୍ତି। କୁହାଯାଉଛି ଯେ କଂଗ୍ରେସ ଏତେ ସଂଖ୍ୟକ ଆସନ ପାଇଁ ପ୍ରସ୍ତୁତ ନୁହେଁ। କେବଳ ଏତିକି ନୁହେଁ, କଂଗ୍ରେସ ମଧ୍ୟ କଶ୍ମୀରର ଅନ୍ୟ ଏକ ବଡ଼ ଦଳ ପିଡିପିଙ୍କୁ ଏହି ସହଯୋଗରେ ଅନ୍ତର୍ଭୁକ୍ତ କରିବାକୁ ଚାହୁଁଛି, ଯାହାଦ୍ୱାରା I.N.D.I.A. ମିଳିତତାର ରୂପ ବଜାୟ ରଖିବ।
ସୂଚନାନୁସାରେ, ଉମର ପିଡିପି ସହ ସମ୍ପର୍କ ସ୍ଥାପନକୁ ବିରୋଧ କରୁଛନ୍ତି। ସେ ଯୁକ୍ତି କରୁଛନ୍ତି ଯେ ପିଡିପି ମୁଖ୍ୟ ମେହବୁବା ମୁଫତିଙ୍କ ରାଜନୀତି ବର୍ତ୍ତମାନ ପତନ ହୋଇଛି। ତେବେ କଂଗ୍ରେସ ଅପିଲ କରିଛି ଯେ ଯଦି ମେହବୁବାଙ୍କ ଝିଇ ଇଲତିଜା ମୁଫତି ଆଗକୁ ଆସନ୍ତି, ତେବେ ସେହି କ୍ଷେତ୍ରରେ ଓମାର ତାଙ୍କୁ ସମ୍ମାନଜନକ ଆସନ ଦେଇ ତାଙ୍କୁ ମିଳିତ ମଞ୍ଚରେ ଅନ୍ତର୍ଭୁକ୍ତ କରିବା ଉଚିତ।
ସୂତ୍ରରୁ ପ୍ରକାଶ ଯେ ତିନି ଦଳର ମିଳିତ ମଞ୍ଚ ସମ୍ପର୍କରେ ଆଲୋଚନା ଜାରି ରହିଛି। ଯଦିଓ ପିଡିପି ଆଣିବା ପାଇଁ କଥାବାର୍ତ୍ତା ହୋଇନଥାଏ, ତେବେ କଂଗ୍ରେସ ମେହବୁବାଙ୍କ ଝିଇ ଇଲତିଜାଙ୍କ ବିରୋଧରେ ପ୍ରାର୍ଥୀ ନକରିବା ଏବଂ କିଛି ଆସନରେ ପିଡିପି ସହ ବନ୍ଧୁତ୍ୱପୂର୍ଣ୍ଣ ଲଢେଇ ସପକ୍ଷରେ ଅଛି। ତେବେ ଏହା କେବଳ ପ୍ରାଥମିକ ଆଲୋଚନା ବୋଲି କୁହାଯାଉଛି। କୁହାଯାଉଛି ଯେ ତିନି ଦଳର ନେତୃତ୍ୱ ମଧ୍ୟରେ ଆଲୋଚନା ପରେ ହିଁ ଚୂଡ଼ାନ୍ତ ନିଷ୍ପତ୍ତି ସମ୍ଭବ।