ବେଙ୍ଗାଲୁରୁ, ୧୯।୬: କର୍ନାଟକ ସରକାରର ମନ୍ତ୍ରୀ ପ୍ରିୟଙ୍କ ଖାର୍ଗେ ଭାଜପା ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା, ଆଇଟି ସେଲ ପ୍ରଭାରୀ ଅମିତ ମାଲବିୟ ଏବଂ ଚଣ୍ଡିଗଡ଼ ରାଜ୍ୟ ସଭାପତି ଅରୁଣ ସୁଦଙ୍କ ବିରୋଧରେ ଅଭିଯୋଗ କରିଛନ୍ତି। ପ୍ରିୟଙ୍କ ତାଙ୍କ ଅଭିଯୋଗରେ କହିଛନ୍ତି ଯେ, ଭାଜପାର ଆଇଟି ହ୍ୟାଣ୍ଡେଲ ଦୀର୍ଘ ଦିନ ଧରି ବିଷ ବିସ୍ତାର କରି ମିଥ୍ୟା ଖବର ପ୍ରଚାର କରିଆସୁଥିଲା। ଅମିତ ମାଲବିୟଙ୍କ ଏକ ଆନିମେଶନ ଟୁଇଟକୁ ନେଇ ପ୍ରିୟଙ୍କା ଖାର୍ଗେ ଏହି ଅଭିଯୋଗ ଆଣିଛନ୍ତି।
ପ୍ରିୟଙ୍କ ଖାର୍ଗେ ଭାଜପା ନେତାମାନଙ୍କୁ କଂଗ୍ରେସ ଏବଂ ବରିଷ୍ଠ କଂଗ୍ରେସ ନେତାଙ୍କ ବିଷୟରେ ପ୍ରଚାର ପ୍ରସାର କରୁଥିବା ଅଭିଯୋଗ କରିଛନ୍ତି। ଏଥିସହ ସେ ପୋଲିସ ଷ୍ଟେଶନରେ ଅଭିଯୋଗ ଦାଖଲ କରିଛନ୍ତି ଏବଂ ଅମିତ ମାଲବିୟଙ୍କ ଟୁଇଟ୍କୁ ବିରୋଧ କରି ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି।
ନିକଟରେ ଆଇଟି ମୁଖ୍ୟ ଅମିତ ମାଲବିୟ ୧୭ ଜୁନରେ ଟୁଇଟରେ ଏକ ଭିଡିଓ ଶେୟାର କରିଥିଲେ। ଭିଡିଓ ଶେୟାର କରି କ୍ୟାପଶନରେ ଲେଖିଥିଲେ- ରାହୁଲ ଗାନ୍ଧୀ ବିପଜ୍ଜନକ ଏବଂ ଏକ ଗୁପ୍ତ ଖେଳ ଖେଳୁଛନ୍ତି। ଏହି ଭିଡିଓ ସମ୍ପର୍କରେ ଖାଗେର୍ର୍ କହିଛନ୍ତି , ଏହି ଭିଡିଓ ମାଧ୍ୟମରେ କେବଳ ରାହୁଲ ଗାନ୍ଧୀ ଏବଂ କଂଗ୍ରେସର ପ୍ରତିଷ୍ଠାକୁ କ୍ଷୁର୍ଣ୍ଣ କରିବାକୁ ଚେଷ୍ଟା କରାଯାଇନାହିଁ, ବରଂ ସାମ୍ପ୍ରଦାୟିକ ମତଭେଦ ସୃଷ୍ଟି କରିବା ସହ ଦଳର ତଥା ଏହାର ନେତାଙ୍କ ବ୍ୟକ୍ତିତ୍ୱର ଭୁଲ ତଥ୍ୟ ଉପସ୍ଥାପନ କରିବାକୁ ମଧ୍ୟ ଚେଷ୍ଟା କରାଯାଇଛି।
