ନୂଆଦିଲ୍ଲୀ,୧।୩: ଆଜିକାଲି ଫିଟ୍ନେସ୍କୁ ନେଇ ଚର୍ଚ୍ଚାରେ କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ। ୫୦ ବର୍ଷୀୟ ରାହୁଲ ନିକଟରେ ମତ୍ସଜୀବୀମାନଙ୍କ ସହ ସମୁଦ୍ରକୁ ଡେଇଁଥିଲେ। ଏହାର ଭିଡିଓ ଏବଂ ଫଟୋ ଖୁବ୍ ଭାଇରାଲ ହୋଇଥିଲା। ଏହାପରେ ତାଙ୍କର ଅନ୍ୟ ଏକ ଫଟୋ ଭାଇରାଲ ହୋଇଥିଲା। ଫଟୋରେ ସେ ଓଦା ବସ୍ତ୍ରରେ ନଜର ଆସିଥିବା ବେଳେ ତାଙ୍କର ଆବ୍ସ ଚର୍ଚ୍ଚାର କାରଣ ପାଲଟିଥିଲା। ଏବେ ପୁଣି ଅନ୍ୟ ଏକ ଭିଡିଓ ସମ୍ମୁଖକୁ ଆସିଛି। ଏଥିରେ ସେ ତାମିଲନାଡ଼ୁର ମୁଲଗାମୁଦବନର ସେଣ୍ଟ ଜୋସେଫ ମାଟ୍ରିକୁଲେଶନ୍ ସ୍କୁଲର ଛାତ୍ରୀଛାତ୍ରଙ୍କ ସହ ଏକିଡୋ(ଆଧୁନିକ ଜାପାନୀ ମାର୍ଶଲ ଆର୍ଟ) ଏବଂ ପୁଶ୍ଅପ୍ କରୁଥିବା ଦେଖାଯାଇଛି। ବିଶେଷକରି ଗୋଟିଏ ହାତରେ ପୁଶ୍ଅପ୍ ମାରିବାକୁ ଲୋକେ ବେଶ ପସନ୍ଦ କରୁଥିବା ବେଳେ ଭିଡିଓଟି ସୋସିଆଲ ମିଡିଆରେ ଭାଇରାଲ ହେଉଛି।
#WATCH: Congress leader Rahul Gandhi doing push-ups and ‘Aikido’ with students of St. Joseph’s Matriculation Hr. Sec. School in Mulagumoodubn, Tamil Nadu pic.twitter.com/qbc8OzI1HE
— ANI (@ANI) March 1, 2021
