ନୂଆଦିଲ୍ଲୀ,୭ ।୧୦: କଂଗ୍ରେସର ଭାରତ ଯୋଡୋ ଯାତ୍ରା ଏବେ କର୍ନାଟକରେ ଚାଲିଛି । ଭାରତ ଯୋଡୋ ଯାତ୍ରା ଆରମ୍ଭ ହେବା ପରଠାରୁ ରାହୁଲ ଗାନ୍ଧୀ ଆଗ ଅପେକ୍ଷା ଆଉ ଟିକେ ଆକ୍ଟିଭ ହୋଇଯାଇଛନ୍ତି । ଏହାସହ ସେ ବିଭିନ୍ନ ପ୍ରସଙ୍ଗକୁ ବି ଉଠାଉଥିବା ଦେଖାଯାଇଛି । ରାହୁଲ ଶୁକ୍ରବାର ଏକ ଟୁଇଟ କରି ଜଣାଇଛନ୍ତି, ଯେ ସେ ଗୁରୁବାର ଜଣେ ମହିଳାଙ୍କୁ ଭେଟିଥିଲେ । ଯାହାର କୃଷକ ସ୍ୱାମୀ ୫୦,୦୦୦ ଟଙ୍କା କରଜ ଥିବାରୁ ଆତ୍ମହତ୍ୟା କରିଦେଇଛନ୍ତି ।
ଏବେ ରାହୁଲ ଦୁଇଟି ଭାରତ କଥା ଉଠାଇ କହିଛନ୍ତି, ଗୋଟିଏ ଭାରତ ଯେଉଁଠି ପୁଞ୍ଜିପତି ମିତ୍ରଙ୍କୁ ୬ ପ୍ରତିଶତ ସୁଧହାର ହିସାବରେ ଋଣ ଓ କୋଟି କୋଟି ଟଙ୍କାର ଋଣ ଛାଡ ଓ ଅନ୍ୟ ଏକ ଭାରତ, ଯେଉଁଠି ଅନ୍ନଦାତାଙ୍କୁ ୨୪ ପ୍ରତିଶତ ସୁଧହାରରେ ଋଣ ଦିଆଯାଉଛି ଓ ସେମାନଙ୍କ ଜୀବନ କଷ୍ଟରେ କଟୁଛି । ରାହୁଲ କହିଛନ୍ତି ଦେଶରେ ଏହି ‘ଦୁଇ ଭାରତ’ ସ୍ୱୀକାର କରାଯିବ ନାହିଁ ।
ସୂଚନାଯୋଗ୍ୟ, କଂଗ୍ରେସର ଭାରତ ଯୋଡୋ ଯାତ୍ରା ସମୟରେ ରାହୁଲ ବେକାରୀ ଓ ଗରିବଙ୍କୁ ଭେଟୁଛନ୍ତି । ଗୋଟିଏ ଦିନ ପୂର୍ବରୁ ସୋନିଆ ଗାନ୍ଧୀ ବି ଭାରତ ଯୋଡୋ ଯାତ୍ରାରେ ସାମିଲ ହୋଇ କର୍ମୀଙ୍କ ମନୋବଳ ବଢାଇଛନ୍ତି ।
कल मैं एक महिला से मिला, उनके किसान पति ने ₹50,000 के कर्ज़ के कारण आत्महत्या कर ली।
एक भारत: पूंजीपति मित्रों को 6% ब्याज पर कर्ज़ और करोड़ों की कर्ज़माफ़ी
दूसरा भारत: अन्नदाताओं को 24% ब्याज पर कर्ज़ और कष्टों से भरी ज़िंदगी
एक देश में ये ‘दो भारत’, हम स्वीकार नहीं करेंगे।
— Rahul Gandhi (@RahulGandhi) October 7, 2022
