ମୋଦିଙ୍କ ଉପବାସ ଉପରେ ପ୍ରଶ୍ନ ଉଠାଇଲେ କଂଗ୍ରେସ ନେତା: କହିଲେ, ୧୧ ଦିନ କେବଳ ପଇଡ ପାଣି ବଞ୍ଚିବା କଷ୍ଟକର

ବେଙ୍ଗାଲୁରୁ,୨୪।୧: କର୍ନାଟକର ପୂର୍ବତନ ମୁଖ୍ୟମନ୍ତ୍ରୀ ତଥା ଭେଟେରାନ କଂଗ୍ରେସ ନେତା ବୀରପ୍ପା ମୋଇଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରାମମନ୍ଦିର ପ୍ରାଣପ୍ରତିଷ୍ଠା ପୂର୍ବରୁ କରିଥିବା ଉପବାକୁ ନେଇ ପ୍ରଶ୍ନ ଉଠାଇଛନ୍ତି। ପିଏମ ମୋଦି ପ୍ରକୃତରେ ଉପବାସ ପାଳନ କରିଛନ୍ତି କି ନାହିଁ ମୋତେ ସନ୍ଦେହ ଲାଗୁଛି ବୋଲି ସେ କହିଛନ୍ତି।
ମୋଇଲି କହିଛନ୍ତି, ସେ ଜଣେ ଡାକ୍ତରଙ୍କ ସହ କଥା ହୋଇଛନ୍ତି, ଯିଏ କହିଛନ୍ତି ଯେ ୧୧ ଦିନ ପର୍ଯ୍ୟନ୍ତ କେବଳ ନଡିଆ ପାଣିରେ ବଞ୍ଚିବା ସମ୍ଭବ ନୁହେଁ। ଯଦି ପିଏମ ମୋଦି ଜୀବିତ ତେବେ ଏହା ଏକ ଚମତ୍କାର। ମୋଦିଙ୍କ ମୁହଁରେ ଥକାପଣର କୌଣସି ଲକ୍ଷଣ ନ ଥିଲା। ମୁଁ ନୁହେଁ, କିନ୍ତୁ ଲୋକମାନେ ପ୍ରଶ୍ନ କରୁଛନ୍ତି ଯେ ସେ ଉପବାସ ରଖିଛନ୍ତି କି ନାହିଁ।
ଭାଜପା ରାଜ୍ୟ ସଭା ଏମ୍‌ପି ଲାହର ସିଂ ସିରୋୟା କଂଗ୍ରେସ ନେତାଙ୍କ ବିବୃତ୍ତିକୁ ସମାଲୋଚନା କରି କହିଛନ୍ତି ଯେ, ସମସ୍ତେ ବୀରପ୍ପା ମୋଇଲିଙ୍କ ଭଳି ମିଥ୍ୟା ନୁହଁନ୍ତି। ଯାହାର ଗାନ୍ଧୀ ପରିବାର ପରିବର୍ତ୍ତେ ପ୍ରଭୁ ରାମଙ୍କ ଉପରେ ବିଶ୍ୱାସ ଥାଏ ତେବେ କେହି ବଞ୍ଚିପାରିବେ।