ଦାରିଙ୍ଗବାଡି,୨୨ା୧୦(ଡି.ଏନ.ଏ): ଦାରିଙ୍ଗବାଡ଼ି ବ୍ଲକ ହାତୀମୁଣ୍ଡା ପଞ୍ଚାୟତ କୁମ୍ଭାରିପଦର ଗ୍ରାମ ନିକଟସ୍ଥ ପାହାଡ଼ ଭୂସ୍ଖଳନ ହୋଇଥିବା ଘଟଣା ଅନୁଧ୍ୟାନ ପାଇଁ କଂଗ୍ରେସର ବରିଷ୍ଠ ନେତା ପ୍ରତାପ ପ୍ରଧାନ ଗୁରୁବାର ଗସ୍ତ କରିଛନ୍ତି। ସେ ସେଠାକାର ଗ୍ରାମବାସୀଙ୍କ ସହ ସେମାନଙ୍କ ସମସ୍ୟା ସମ୍ପର୍କରେ ଆଲୋଚନା କରିଥିଲେ। ପରେ ପାହାଡ଼ ବିପଦ ପୂର୍ଣ୍ଣ ରହିଥିବାରୁ ସରକାର ଶୀଘ୍ର କୁମ୍ଭାରିପଦର ଗ୍ରାମବାସୀଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରିବାକୁ ସେ ଦାବି କରିଛନ୍ତି। ଏହି ସମସ୍ୟା ସଦାବେଳେ ଲାଗି ରହିବ ତେଣୁ ପାହାଡିଆ ଅଞ୍ଚଳରେ ଥିବା ଲୋକଙ୍କୁ ଅନ୍ୟତ୍ର ସ୍ଥାନାନ୍ତର କରାଯିବା ସହ ଏକ ଆଦର୍ଶ ଗ୍ରାମ ନିର୍ମାଣ କରି ସେମାନଙ୍କୁ ସେଠାରେ ଥଇଥାନ କରିବାକୁ କଂଗ୍ରେସ ନେତା ପ୍ରଧାନ କହିଛନ୍ତି। ସେହିପରି ଶନିବାର ଏକ ଟେକ୍ନିକାଲ ଟିମ କୁମ୍ଭାରିପଦର ଗସ୍ତକରିବା କାର୍ଯ୍ୟକ୍ରମ ରହିଛି। ସେମାନଙ୍କ ସ୍ଥିତି ଅନୁଧ୍ୟାନ ପରେ ଜିଲାପ୍ରଶାସନ ସହ ଆଲୋଚନା କରି କୁମ୍ଭାରିପଦର ଲୋକଙ୍କୁ
ଅନ୍ୟତ୍ର ସ୍ଥାନାନ୍ତର କରାଯିବ ନା ଅନ୍ୟ କୌଣସି ପଦକ୍ଷେପ ନିଆଯିବ ତାହା ଜଣାପଡିବ ବୋଲି ଦାରିଙ୍ଗବାଡି ବିଡିଓ ଗଦାଧର ପାତ୍ର କହିଛନ୍ତି ।