ନୂଆଦିଲ୍ଲୀ,୨୨ ।୧୧: ଗୁଜରାଟ ବିଧାନସଭା ନିର୍ବାଚନ ଲାଗି ଓଲଟା ଗଣତି ଆରମ୍ଭ ହୋଇଗଲାଣି । ଭୋଟିଂ ତାରିଖ ଯେତିକି ଯେତିକି ପାଖେଇ ଆସୁଛି ରାଜନୈତିକ ଦଳଙ୍କ ପ୍ରଚାର ଅଭିଯାନ ବି ସେତିକି ଯୋର ଧରୁଛି । ସବୁ ରାଜନୈତିକ ଦଳ ବିଜୟି ହେବା ପାଇଁ ସେମାନଙ୍କର ସମସ୍ତ ଶକ୍ତି ଲଗାଇ ଦେଇଛନ୍ତି । ଭାରତୀୟ ଜନତା ପାର୍ଟି(ଭାଜପା) ପକ୍ଷରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବି ପ୍ରଚାର କାର୍ଯ୍ୟରେ ଲାଗି ପଡିଛନ୍ତି । କ୍ୟାମ୍ପନିଂ ସମୟରେ ଭିନ୍ନ ଭିନ୍ନ ପ୍ରକାର ରଙ୍ଗ ଦେଖିବାକୁ ମିଳୁଛି ।
ଏହାରି ଭିତରେ ସୋମବାର ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହୋଇଛି । ଉକ୍ତ ଭିଡିଓରେ ଜଣେ କୁନି ଝିଅ ଜଲଦି-ଜଲଦି ପ୍ରଭାବି ଶବ୍ଦରେ ଭାଜପାକୁ ସପୋର୍ଟ କରି ଗୁଜରାଟି ଭାଷାରେ ଭାଷଣ ଦେଉଥିବା ଦେଖାଯାଇଛି । ଶିଶୁ କନ୍ୟାଙ୍କ ସହ ପ୍ରଧାନମନ୍ତ୍ରୀ ମୋଦିଙ୍କୁ ବି ଦେଖିବାକୁ ମିଳିଛି । ସେ ଶିଶୁଟିର ଭାଷଣ ଶୁଣି ଆଶ୍ଚର୍ଯ୍ୟ ହୋଇଯାଇଛନ୍ତି ।
ଉକ୍ତ ଭିଡିଓରେ କୁନି ଝିଅଟି କାନ୍ଧରେ ଭାଜପାର ଉତ୍ତରି ପକାଇଥିବା ବେଳେ ଅନର୍ଗଳ ଭାବେ ଭାଜପା ସପକ୍ଷରେ ଯେମିତିକି ଅଯୋଧ୍ୟାର ରାମ ମନ୍ଦିର, ଷ୍ଟାଚ୍ୟୁ ଅଫ ୟୁନିଟି ସମ୍ପର୍କରେ ଭାଜପାର ଉପଲବ୍ଧିକୁ ଗଣିବାରେ ଲାଗିଛି । ଏହି ଭାଷଣ ଶୁଣି ମୋଦି ଆଶ୍ଚର୍ଯ୍ୟ ହୋଇଯିବା ସହ କୁନି ଝିଅଟିର ଉତ୍ତରିୟରେ ଅଟୋଗ୍ରାଫ ଦେଇଛନ୍ତି ।
ଗୋଟିଏ ପଟେ ସୋସିଆଲ ମିଡିଆରେ ଏହି ଭିଡିଓକୁ ଲୋକେ ଏନଜୟ କରୁଥିବା ବେଳେ ଅନ୍ୟପଟେ କଂଗ୍ରେସ ଏହାକୁ ପ୍ରସଙ୍ଗ କରି ନେଇଛି । କଂଗ୍ରେସ ଏମପି ମଣିକମ ଟାଗୋର କହିଛନ୍ତି ନିର୍ବାଚନ ପ୍ରଚାର ପାଇଁ ନାବାଳିକା କନ୍ୟାକୁ ବ୍ୟବହାର କରିବା ଭୁଲ ।
ગુજરાતીઓ ના મન મસ્તીષ્ક પર છવાયો વિકાસ.
“અમને તો ફાવશે જ ભાજપ, ફરી આવશે જ ભાજપ..” #કમળ_સાથે_સમૃદ્ધ_ગુજરાત pic.twitter.com/hpVa9OSkyM— BJP (@BJP4India) November 21, 2022
