ନୂଆଦିଲ୍ଲୀ,୨୮ ।୮: କଂଗ୍ରେସର ଭାରତ ଯୋଡୋ ଯାତ୍ରାର ପ୍ରସ୍ତୁତି ଉପରେ ଚର୍ଚ୍ଚା କରିବାକୁ ଏଆଇସିସି ମୁଖ୍ୟାଳୟରେ ୨୯ ଅଗଷ୍ଟକୁ ଏଆଇସିସି ମହାସଚିବ, ପିସିସି ଅଧ୍ୟକ୍ଷ ଓ ଭାରତ ଯୋଡୋ ଯାତ୍ରାର ରାଜ୍ୟ ସମନ୍ୱୟକଙ୍କର ଏକ ବୈଠକ ଡାକିଛି ଦଳ । କଂଗ୍ରେସର ଏହା ଐତିହାସିକ ପଦଯାତ୍ରା ହେବ । ସେପ୍ଟେମ୍ବର ୭, ୨୦୨୨ରେ ଏହି ଯାତ୍ରା କନ୍ୟାକୁମାରୀରୁ ଆରମ୍ଭ ହୋଇ ଜମ୍ମୁ-କଶ୍ମୀରରେ ଶେଷ ହେବ । ତାମିଲନାଡୁରେ ଏହି ଯାତ୍ରା ୭ରୁ ୧୦ ସେପ୍ଟେମ୍ବର ପର୍ଯ୍ୟନ୍ତ ଚାଲିବ ଏହାପରେ ଏହି ପଦଯାତ୍ରା କେରଳରୁ ଆଗକୁ ଯିବ ।
କଂଗ୍ରେସର ମିଡିଆ ବିଭାଗ ମୁଖ୍ୟ ପୱନ ଖେଡା କହିଛନ୍ତି, ପାର୍ଟି ସେହି ଲୋକଙ୍କ ନାମକୁ ସ୍ୱୀକୁୃତି ଦେଇଛି ଯେଉଁମାନେ ରାଜ୍ୟରେ ଭାରତ ଯୋଡୋ ଯାତ୍ରାର ମିଡିଆ ଗତିବିଧିର ସମନ୍ୱୟ କରିବେ, ଯେଉଁଠାରୁ ଏହି ଐତିହାସିକ ଯାତ୍ରା ବାହାରିବ । କଂଗ୍ରେସ ପକ୍ଷରୁ ସେସବୁ ରାଜ୍ୟରେ ଭାରତ ଯୋଡୋ ଯାତ୍ରାର ମିଡିଆ ମିଡିଆ ଗତିବିଧିର ସମନ୍ୱୟ ପାଇଁ ଶୁକ୍ରବାର ନେତାଙ୍କୁ ନିଯୁକ୍ତ କରିଦେଇଛି । ଏହାସହ ଦଳ କହିଛି, ଆଜାଦ ଅବା ବିନା ଆଜାଦରେ ଦଳର ସଂଗଠନାତ୍ମକ ତନ୍ତ୍ର ଦୃଢ ସଂକଳ୍ପ ସହ ଆଗକୁ ବଢି ବଢିବ ।
