ନୂଆଦିଲ୍ଲୀ,୧୭।୧୦: କଂଗ୍ରେସ ଅଧ୍ୟକ୍ଷ ପଦ ପାଇଁ ମତଦାନ ଚାଲିଛି। ୨୨ ବର୍ଷ ପରେ ଅନୁଷ୍ଠିତ ହେଉଥିବା ଅଧ୍ୟକ୍ଷ ନିର୍ବାଚନରେ ଦଳର ବରିଷ୍ଠ ନେତା ମଲ୍ଲିକାର୍ଜୁନ ଖାର୍ଗେ ଏବଂ ଶଶୀ ଥରୁର ମୁହାଁମୁହିଁ ହୋଇଛନ୍ତି। ଏହି ନିର୍ବାଚନ ପାଇଁ ଭୋଟ ଦେଇଛନ୍ତି କଂଗ୍ରେର ବର୍ତ୍ତମାନର ଅଧ୍ୟକ୍ଷା ସୋନିଆ ଗାନ୍ଧୀ ଏବଂ ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ । ରାହୁଲ ଭାରତ ଯୋଡ଼ୋ ଯାତ୍ରା ଶିବିରରେ ମତଦାନ କରିଥିଲେ। ସେହିପରି ମତଦାନ ସାବ୍ୟସ୍ତ କରିବା ପରେ କହିଛନ୍ତି,ଦୀର୍ଘ ସମୟ ହେବ ଏହି ଦିନକୁ ଅପେକ୍ଷା କରିଥିଲି। ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ ଏବଂ ପ୍ରିୟଙ୍କା ଗାନ୍ଧୀ ମଧ୍ୟ ମତଦାନ କରିଥିଲେ।
ସୂଚନାଯୋଗ୍ୟ, ଦଳର ମୁଖ୍ୟ ଚୟନ କରିବାକୁ ୯,୦୦୦ରୁ ଅଧିକ ପ୍ରଦେଶ କଂଗ୍ରେସ କମିଟି (ପିସିସି) ପ୍ରତିନିଧି ଏକ ଗୁପ୍ତ ମତଦାନରେ ଭୋଟ ଦେବେ। ଦଳର ୧୩୭ ବର୍ଷର ଇତିହାସରେ ଷଷ୍ଠ ଥର ପାଇଁ ଏଆଇସିସି ମୁଖ୍ୟାଳୟ ଏବଂ ଦେଶର ୬୮ଟି ମତଦାନ କେନ୍ଦ୍ରରେ ମତଦାନ ଅନୁଷ୍ଠିତ ହେଉଛି।