ନୂଆଦିଲ୍ଲୀ,୯।୧୦: କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖାର୍ଗେ ସୋମବାର କେନ୍ଦ୍ର ସରକାର ତଥା ଭାରତୀୟ ଜନତା ପାର୍ଟି(ଭାଜପା) ଉପରେ ଜାତି ଆଧାରିତ ଜନଗଣନା ଉପରେ ନିରବତାକୁ ନେଇ ଅଭିଯୋଗ କରିଛନ୍ତି। ସେ କହିଛନ୍ତି କି କଲ୍ୟାଣକାରୀ ଯୋଜନାରେ ଉଚିତ ସହଭାଗିତା ପାଇଁ ଏହା ଜରୁରୀ କି ପଛୁଆବର୍ଗଙ୍କ ସାମଜିକ ଓ ଆର୍ଥିକ ସ୍ଥିତିର ସଂଖ୍ୟା ଉପଲବ୍ଧ ହେବା।
କଂଗ୍ରେସ କାର୍ଯ୍ୟକାରିଣୀ କମିଟି (ସିଡବ୍ଲ୍ୟୁଡିସି) ର ବୈକରେ ସେ ରାଜସ୍ଥାନ, ଛତିଶଗଡ, ମଧ୍ୟପ୍ରଦେଶ, ତେଲଙ୍ଗାନା ଏବଂ ମିଜୋରାମରେ ବିଧାନସଭା ନିର୍ବାଚନ ପାଇଁ ଏକ ପ୍ରଭାବଶାଳୀ ରଣନୀତି ପ୍ରସ୍ତୁତ କରିବାକୁ ଦଳର ନେତାଙ୍କ ଉପରେ ଗୁରୁତ୍ୱାରୋପ କରିଛନ୍ତି ଏବଂ କହିଛନ୍ତି ଯେ ରାଜନୈତିକ ଦଳ ସହ ସାମ୍ବିଧାନିକ ପଦରେ ବସିଥିବା ଲୋକ ବି ସକ୍ରିୟ ଅଛନ୍ତି, ଏପରି ପରିସ୍ଥିତିରେ ଜଣେ ଚୁପ ରହିପାରିବେ ନାହିଁ।
କଂଗ୍ରେସ ସଭାପତି ସରକାରଙ୍କୁ ଅନ୍ୟ ପଛୁଆ ବର୍ଗ (ଓବିସି) ମହିଳାଙ୍କୁ ପ୍ରତିନିଧିତ୍ୱ ନ କରିବା ସହ ମହିଳା ସଂରକ୍ଷଣ ବିଲ ପ୍ରଚାର ଏବଂ ଭୋଟ ବ୍ୟାଙ୍କ ରାଜନୀତି ପାଇଁ ଆଣିଥିବା ଅଭିଯୋଗ କରିଛନ୍ତି ଏବଂ ଆସନ୍ତା ବର୍ଷ ତାଙ୍କୁ ଭୋଟ ଦେଲେ ତାଙ୍କ ଦଳ ଓବିସି ମହିଳାଙ୍କ ଉପଯୁକ୍ତ ଅଂଶଗ୍ରହଣ ସହ ଲୋକ ସଭା ଏବଂ ବିଧାନସଭାରେ ପ୍ରତିନିଧିତ୍ୱ ସହ ଜଡିତ ମହିଳା ସଂରକ୍ଷଣ ଲାଗୁ କରିବ।
