ନୂଆଦିଲ୍ଲୀ,୩୦ ।୯: କଂଗ୍ରେସ ଅଧ୍ୟକ୍ଷ ପଦ ନିର୍ବାଚନ ପାଇଁ ପ୍ରାର୍ଥିପତ୍ର ଦାଖଲର ଶେଷ ଦିନ ଥିଲା ଶୁକ୍ରବାର ଅର୍ଥାତ୍ ସେପ୍ଟେମ୍ବର ୩୦ ତାରିଖ । ଏହି ରେସ୍ରୁ ବରିଷ୍ଠ କଂଗ୍ରେସ ନେତା ଦିଗବିଜୟ ସିଂ ବାହାରି ଯାଇଥିବା ବେଳେ ଏଥିରେ ଏଣ୍ଟ୍ରି ମାରିଛନ୍ତି ମଲ୍ଲିକାର୍ଜୁନ ଖଡଗେ । ସେବେଠାରୁ ସବୁ ସମିକରଣ ବଦଳି ଯାଇଛି । ଇତି ମଧ୍ୟରେ କଂଗ୍ରେସ ଏମ୍ପି ଶଶି ଥରୁର ତାଙ୍କ ପ୍ରାର୍ଥି ପତ୍ର ଦାଖଲ କରିଛନ୍ତି । ତେବେ କଂଗ୍ରେସ ଅଧ୍ୟକ୍ଷ ପଦକୁ ନେଇ ଜି-୨୩ ଗ୍ରୁପ ଆକ୍ଟିଭ ହୋଇଯାଇଥିବା କୁହାଯାଉଥିବା ବେଳେ ତା’ର କୌଣସି ସଦସ୍ୟ ଏହି ନିର୍ବାଚନରେ ପ୍ରାର୍ଥି ହୋଇ ନାହାନ୍ତି । ଏହି ନିର୍ବାଚନ ପାଇଁ ପ୍ରାର୍ଥିପତ୍ର ଦାଖଲର ଶେଷ ତାରିଖ ରହିଛି ୮ ଅକ୍ଟୋବର ।
ଏହି ରେସରେ ମନିଷ ତିୱାରୀ ସାମିଲ ହେବେ ବୋଲି ଶୁଣାଯାଉଥିବା ବେଳେ ସେ କିନ୍ତୁ ପ୍ରାର୍ଥୀ ନ ହୋଇ ମଲ୍ଲିକାର୍ଜୁନ ଖଡଗେଙ୍କୁ ସମର୍ଥନ କରିବେ ବୋଲି ଖୋଲାଖୋଲି ଭାବେ କହିଛନ୍ତି । ସେ କହିଛନ୍ତି ଖଡଗେ ଦଳର ଜଣେ ବରିଷ୍ଠ ସଦସ୍ୟ । ମନୀଷ ଓ ଆନନ୍ଦ ଶର୍ମା ଖଡଗେଙ୍କୁ ସମର୍ଥନ କରିବାକୁ ପହଞ୍ଚିଥିଲେ । ଅନ୍ୟପଟେ ମନୀଷ କହିଛନ୍ତି ଶଶି ଥରୁରଙ୍କ ସହ ତାଙ୍କର ବନ୍ଧୁତ୍ୱର ସମ୍ପର୍କ ରହିବ ।