ବେଙ୍ଗାଲୁରୁ,୧୯।୪ : କର୍ନାଟକରେ ଶାସକ ଭାରତୀୟ ଜନତା ପାର୍ଟି କଂଗ୍ରେସକୁ ଟାର୍ଗେଟ କରିଛି। ରାଜ୍ୟରେ ରାଜନୈତିକ ପ୍ରଭାବଶାଳୀ ଲିଙ୍ଗାୟତ ସମ୍ପ୍ରଦାୟର ଭୋଟରଙ୍କ ପ୍ରତି କଂଗ୍ରେସ ଅବହେଳା କରିଛି ଏବଂ ବିଶ୍ୱାସଘାତକତା କରିଛି।
କଂଗ୍ରେସକୁ କଡ଼ା ସମାଲୋଚନା କରି ମୁଖ୍ୟମନ୍ତ୍ରୀ ବାସଭରାଜ ବୋମ୍ମାଇ କହିଛନ୍ତି, ରାଜ୍ୟର ଲିଙ୍ଗାୟତ ଭୋଟରମାନେ ଏବେ ସତର୍କ ହୋଇ ଯାଇଛନ୍ତି। ସେମାନେ ସର୍ବଦା ସଠିକ ନିଷ୍ପତ୍ତି ନେଇଛନ୍ତି। ବିଧାନସଭା ନିର୍ବାଚନ ଘୋଷଣା ପରେ କଂଗ୍ରେସ ତାଙ୍କ ପାଇଁ ନିଜର ବିଶେଷ ପ୍ରେମ ପ୍ରଦର୍ଶନ କରୁଛି। କଂଗ୍ରେସ ଲିଙ୍ଗାୟତ ଏବଂ ବୀରଶୈବଙ୍କୁ ଭାଗ ଭାଗ କରିବାକୁ ଚେଷ୍ଟା କରିଥିଲା। କଂଗ୍ରେସ ଦଳର ବିଭାଜନ ଶାସନ ନୀତି ଲୋକମାନେ ଭୁଲି ନାହାଁନ୍ତି।
ମୁଧୋଲରେ ଖବରଦାତାମାନଙ୍କ ସହିତ କଥାବାର୍ତ୍ତା କରି ସେ କହିଛନ୍ତି, କଂଗ୍ରେସ ଲିଙ୍ଗାୟତଙ୍କ ସଂରକ୍ଷଣକୁ ମଧ୍ୟ ବିରୋଧ କରିଛି। ରାଜ୍ୟ ଭୋଟର କଂଗ୍ରେସକୁ ଏହାର ଜବାବ ଦେବେ।
