ଅହମଦାବାଦ,୧୨।୧୧ : ଗୁଜରାଟ ବିଧାନସଭା ନିର୍ବାଚନ ପାଇଁ ବିଭିନ୍ନ ରାଜନୈତିକ ଦଳଙ୍କ ପକ୍ଷରୁ ପ୍ରଚାର କାର୍ଯ୍ୟ ଜୋରସୋରରେ ଜାରି ରହିଛି। ଏପରିସ୍ଥଳେ ଏବେ ଏକ ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି। ଭିଡ଼ିଓରେ ବାଲିରେ ଫଶି ଯାଇଥିବା ଏକ ଭାଜପା ନିର୍ବାଚନୀ ଗାଡ଼ିକୁ କଂଗ୍ରେସ ନିର୍ବାଚନ ପ୍ରଚାର ଗାଡ଼ି ଟାଣି ବାହାର କରୁଥିବାର ଦେଖିବାକୁ ମିଳୁଛି।
ଏହାକୁ ନେଇ ଆମ ଆଦମୀ ପାର୍ଟି ପକ୍ଷରୁ କଟାକ୍ଷ କରାଯାଇଛି। ଆମ୍ ଆଦମୀ ପାର୍ଟି ଟୁଇଟ କରି କହିଛି ଗୁଜରାଟରେ ଅଟକି ଯାଇଥିବା ଭାଜପା ନିର୍ବାଚନୀ ଗାଡ଼ିକୁ ବଞ୍ଚାଇବା ପାଇଁ କଂଗ୍ରେସ ଜୋରସୋର ଉଦ୍ୟମ କରୁଛି। ଏହି ହେଉଛି ନିର୍ବାଚନରେ କଂଗ୍ରେସ ଭାଜପାର ଇଲୁ ଇଲୁ କାହାଣୀ।