ଭୁବନେଶ୍ୱର, ୩।୭(ଅସମାପିକା ସାହୁ): ନେଚର କ୍ଲବ ଓ ସୋକ୍ରାଟସ୍ ଫାଉଣ୍ଡେଶନ୍ର ମିଳିତ ଆନୁକୂଲ୍ୟରେ ରାଜ୍ୟ ସଂଗ୍ରହାଳୟରେ ଅନୁଷ୍ଠିତ ହେନ୍ତାଳବଣ ବା ମାନ୍ଗ୍ରୋଭ ପଥୋତ୍ସବ ମଙ୍ଗଳବାର ଉଦ୍ଯାପିତ ହୋଇଯାଇଛି। କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବେ ସିଓ୍ବାଇଏସ୍ଡିର ସହ ପ୍ରତିଷ୍ଠାତା ଜଗଦାନନ୍ଦ ଯୋଗଦେଇ ଜଳବାୟୁ ଓ ଜୈବ ବିବିଧତାର ସୁରକ୍ଷା ପାଇଁ ଜନଭାଗୀଦାରିର ଆବଶ୍ୟକତା ରହିଛି ବୋଲି କହିଥିଲେ। ସେଥିପାଇଁ ପଞ୍ଚାୟତସ୍ତରରୁ ଜନ ସଚେତନତା ସୃଷ୍ଟି କରିବା ଆବଶ୍ୟକ ବୋଲି ସେ ମତ ପ୍ରକାଶ କରିଥିଲେ। ଅନ୍ୟତମ ସମ୍ମାନିତ ଅତିଥି ଭାବେ ‘ଧରିତ୍ରୀ’ ଓ ‘ଓଡ଼ିଶା ପୋଷ୍ଟ’ର ସମ୍ପାଦକ ତଥାଗତ ସତପଥୀ ଯୋଗଦେଇ ଜଳବାୟୁ ପରିବର୍ତ୍ତନ ଓ ଏହାର ପ୍ରଭାବକୁ ରୋକିବା ପାଇଁ ତୁରନ୍ତ ସମାଧାନ ମିଳିବା ଅସମ୍ଭବ। ଏହା ଏକ ନିରନ୍ତର ପ୍ରକ୍ରିୟା ହେବା ଆବଶ୍ୟକ, ଯେଉଁଥିରେ ସମସ୍ତେ ସଂଶ୍ଳିଷ୍ଟ ରହିବେ। ପ୍ରକୃତିକୁ ଆମେ ଦୟା କରୁନାହଁୁ। ପ୍ରକୃତିକୁ ଦୟା କରିବାର ଆମର କ୍ଷମତା ନାହିଁ। ଆମେ ବଞ୍ଚତ୍ବା ପାଇଁ ଚେଷ୍ଟା କରୁଛନ୍ତି। ତେଣୁ ଆମେ ପ୍ରକୃତିର ସୁରକ୍ଷା ପାଇଁ ଚିନ୍ତା କରୁଛନ୍ତି ବୋଲି ସତପଥୀ କହିଥିଲେ। ‘ଧରିତ୍ରୀ’ ଓ ‘ଓଡ଼ିଶା ପୋଷ୍ଟ’ର ମୁଖ୍ୟ କାର୍ଯ୍ୟନିର୍ବାହୀ ଆଦ୍ୟାଶା ସତପଥୀ ଯୋଗଦେଇ ଜଳବାୟୁ ପରିବର୍ତ୍ତନ ତଥା ପରିବେଶ ପରିବର୍ତ୍ତନକୁ ରୋକିବାରେ ବରିଷ୍ଠ ଲୋକଙ୍କ ଭଳି ଯୁବପିଢ଼ିଙ୍କ ମଧ୍ୟ ଗୁରୁତ୍ୱ ରହିଛି ବୋଲି କହିଥିଲେ। ସେ କହିଥିଲେ, ଜଳବାୟୁ ପରିବର୍ତ୍ତନ ଏବେ ଆମ ସମସ୍ତଙ୍କ ପାଇଁ ଆହ୍ବାନ। ଏଥିପାଇଁ ଆମେ କ’ଣ କ’ଣ ଅସୁବିଧାର ସମ୍ମୁଖୀନ ହେଉଛନ୍ତି ତାହା ପ୍ରାୟ ସମସ୍ତେ ବୁଝିଲେଣି। ପରିବେଶର ସୁରକ୍ଷା ପାଇଁ ଯୁବପିଢ଼ି ଆଗେଇ ଆସିବା ଦରକାର। କ୍ଷେତ୍ର ସ୍ତରରେ ବହୁ ଯୁବପିଢ଼ି ନିଜ ସାମର୍ଥ୍ୟରେ ଏ ଦିଗରେ କାର୍ଯ୍ୟ କରୁଛନ୍ତି। କିନ୍ତୁ ସେମାନେ ଲୋକଲୋଚନକୁ ଆସିପାରୁ ନାହାନ୍ତି। ସେହିଭଳି ଯୁବପିଢ଼ିଙ୍କୁ ଉତ୍ସାହିତ କରି ସହଯୋଗ କରିବା ଉଚିତ ବୋଲି ଆଦ୍ୟାଶା ସତପଥୀ କହିଥିଲେ।
ସାମ୍ବାଦିକ ସନ୍ଦିପ ସାହୁ ଯୋଗଦେଇ ଜୈବ ବିବିଧତାର ସୁରକ୍ଷା ପାଇଁ ସ୍ଥାନୀୟ ଲୋକଙ୍କ ବହୁ ଗୁରୁତ୍ୱ ରହିଛି ବୋଲି କହିଥିଲେ। ସମ୍ବାଦର ବାର୍ତ୍ତା ସମ୍ପାଦକ ଭବାନୀ ଶଙ୍କର ତ୍ରିପାଠୀ ଯୋଗଦେଇ ଜଳବାୟୁ ପରିବର୍ତ୍ତନ ବର୍ତ୍ତମାନ ଏଭଳି ଏକ ସ୍ଥିତିରେ ପହଞ୍ଚତ୍ଲାଣି ଯେ, ଆଉ ଏହା ପାଇଁ ଯୋଜନା କରିବାରେ ସମୟ ନଷ୍ଟ ନ କରି କାର୍ଯ୍ୟରେ ପରିଣତ କରିବାକୁ ହେବ ବୋଲି କହିଥିଲେ। ସମ୍ମାନିତ ଅତିଥି ଭାବେ ଡିଏଫ୍ଓ ସୁଦର୍ଶନ ଗୋପୀନାଥ ଯାଦବ ଯୋଗଦେଇ ଅନ୍ୟ ରାଜ୍ୟ ତୁଳନାରେ ଓଡ଼ିଶାରେ ହେନ୍ତାଳ ବଣ ବଢ଼ିଛି ବୋଲି କହିଥିଲେ। କାର୍ଯ୍ୟକ୍ରମରେ ସୋକ୍ରାଟସ୍ ପ୍ରତିଷ୍ଠାନର ନିର୍ଦ୍ଦେଶକ ଦେବଜିତ ମିତ୍ରା ସ୍ବାଗତ ଭାଷଣ ଦେଇଥିବାବେଳେ ନେଚର୍ କ୍ଲବ୍ର ମଧୁସ୍ମିତା ପତି ଧନ୍ୟବାଦ ଦେଇଥିଲେ।
