ଆଜିକାଲି ସମୟରେ ଭଲ ଜୀବନସାଥୀଟିଏ ମିଳିବା ବହୁତ କଷ୍ଟସାଧ୍ୟ। କାରଣ ଏହାର ପ୍ରଭାବ ଆପଣଙ୍କ ପୂରା ଜୀବନ ଉପରେ ପଡ଼ିଥାଏ। ବିଶେଷକରି ଆରେଞ୍ଜ ମ୍ୟାରେଜ ବା ପ୍ରସ୍ତାବିତ ବିବାହ କରୁଥିଲେ କିଛି କଥା ପ୍ରତି ଧ୍ୟାନ ଦେବା ଜରୁରୀ ଅଟେ। ସେ ଝିଅ ହୁଅନ୍ତୁ କି ପୁଅ। ଆମ ଦେଶରେ ଦେଖାଯାଏ ପୁଅମାନଙ୍କ ପରିବାର ଝିଅ କେମିତିକା ଜାଣିବା ବହୁତ ଜରୁରୀ ଅଟେ। ଏହା ପରେ ପୁଅ କିମ୍ବା ଝିଅଙ୍କ ପସନ୍ଦ ବିଷୟରେ ପଚରା ଯାଇଥାଏ। ଆରେଞ୍ଜ ମ୍ୟାରେଜରେ ଜଣେ ଭଲ ଜୀବନସାଥୀ ମିଳିଲେ ଜୀବନ ପୂରା ବଦଳି ଯାଇଥାଏ ଉଭୟ ଝିଅ ଆଉ ପୁଅ ଖୁସିରେ ରହିଥାନ୍ତି। ମାତ୍ର ବେଳେବେଳେ ଏହି ମ୍ୟାରେଜ ଯୋଗୁ ସାରା ଜୀବନ ପସ୍ତାଇବାକୁ ବି ପଡ଼ିଥାଏ। ତେଣୁ ଆରେଞ୍ଜ ମ୍ୟାରେଜ କରୁଥିଲେ କିଛି କଥା ପ୍ରତି ନିଶ୍ଚିତ ଧ୍ୟାନ ଦିଅନ୍ତୁ…
ଆରେଞ୍ଜ ମ୍ୟାରେଜରେ ଲୋକମାନେ ବିଶେଷକରି ପାରିବାରିକ ସ୍ଥିତି, ସାମାଜିକ ସ୍ଥିତି ଏବଂ ପରିବାରର ଆର୍ଥିକ ସ୍ଥିତି ପ୍ରତି ଧ୍ୟାନ ଦେଇଥାନ୍ତି। ମାତ୍ର ଭାବପ୍ରବଣ, ସୁସଙ୍ଗତତା ଜୀବନଶୈଳୀକୁ ମଧ୍ୟ ଅଣଦେଖା କରନ୍ତୁ ନାହିଁ। କାରଣ ଏହି କଥାଗୁଡ଼ିକ ଭବିଷ୍ୟତରେ ଅନେକ ଚ୍ୟାଲେଞ୍ଜର କାରଣ ହୋଇପାରେ।
କିଛି ଲୋକ ପାରିବାରିକ ଚାପ ଯୋଗୁ ନିଜର ପ୍ରାଥମିକତାକୁ ଅଣଦେଖା କରିଥାନ୍ତି। ଅର୍ଥାତ ନିଜର ଇଚ୍ଛାକୁ ଅବହେଳା କରନ୍ତି। ଜୀବନସାଥୀ ବାଛିବା ପୂର୍ବରୁ ଆପଣଙ୍କ ପରିବାର ପ୍ରଥମେ ନିଜର ପ୍ରାଥମିକତା ଏବଂ ଇଚ୍ଛା ସମ୍ପର୍କରେ ଜଣାଇ ଦିଅନ୍ତୁ। ପରବର୍ତ୍ତୀ ସମୟରେ ଆପଣଙ୍କ ଜୀବନସାଥୀ ଆପଣଙ୍କ ଏହି କଥାର ଧ୍ୟାନ ରଖିବେ।
ତରବରିଆ ଭାବରେ କୌଣସି ନିଷ୍ପତ୍ତି ନିଅନ୍ତୁ ନାହିଁ। ସେ ଝିଅ ଦେଖି ହେଉ କି ପୁଅ । ଲଭ୍ ମ୍ୟାରେଜରେ ଝିଅ-ପୁଅ ଆଗରୁ କଥା ହୋଇ ପରସ୍ପରକୁ ଜାଣିଥାନ୍ତି। ମାତ୍ର ଆରେଞ୍ଜ ମ୍ୟାରେଜରେ ଟିକେ ଭିନ୍ନ ହୋଇଥାଏ। ତେଣୁ କିଛିଦିନ ଝିଅ-ପୁଅ କଥା ହେବା ଜରୁରୀ। ଏହାଦ୍ୱାରା ପରସ୍ପରକୁ ଜାଣିପାରିବେ।
ଆରେଞ୍ଜ ମ୍ୟାରେଜରେ ଝିଅ ହୁଅନ୍ତୁ କି ପୁଅ ଜୀବନସାଥୀ ବାଛିବା ଅଧିକାର ପରିବାରକୁ ଦେଇଥାନ୍ତି। ବିବାହ ପରେ ଯଦି କିଛି ଅସୁବିଧା ହୁଏ ତେବେ ସେମାନେ ସମ୍ପୂର୍ଣ୍ଣ ଦୋଷ ପରିବାର ଲୋକଙ୍କୁ ଦେଇଥାନ୍ତି। ତେଣୁ ଆପଣ ଏସବୁ ସବୁଥିରୁ ବଞ୍ଚିବାକୁ ଚାହୁଁଥିଲେ ବା ଆରେଞ୍ଜ ମ୍ୟାରେଜକୁ ସଫଳ କରିବାକୁ ଚାହୁଁଥିଲେ ଉପରୋକ୍ତ କଥା ପ୍ରତି ଧ୍ୟାନ ଦିଅନ୍ତୁ। ବୈବାହିକ ଜୀବନ ହସଖୁସିରେ ଚାଲିବ।