ସୋସିଆଲ ମିଡିଆରେ ଟ୍ରୋଲ ହେବା ପରେ କନଷ୍ଟେବଳ ପଦରୁ ଇସ୍ତଫା ଦେଇଥିବା ପ୍ରିୟଙ୍କା ମିଶ୍ର ଚର୍ଚ୍ଚାରେ ରହିଆସୁଛନ୍ତି। ପ୍ରିୟଙ୍କା ପୋଲିସ ବିଭାଗରେ ୧.୫୨ ଲକ୍ଷ ଟଙ୍କା ଜମା କରିବା ସହ ୟୁନିଫର୍ମ ସହ ସମସ୍ତ କିଟ୍ ହସ୍ତାନ୍ତର କରିଛନ୍ତି। ଏହି ସମୟରେ ପ୍ରିୟଙ୍କାଙ୍କ ଫଲୋଅର୍ସ ମଧ୍ୟ ବଢୁଛନ୍ତି। ଏବେ ତାଙ୍କର ୫୦ ହଜାରରୁ ଅଧିକ ଫଲୋଅର୍ସ ହେଲେଣି।
କାନପୁରରେ ରହୁଥିବା ପ୍ରିୟଙ୍କା ଥାନା ଏମ୍ଏମ୍ ଗେଟ୍ରେ ନିଯୁକ୍ତି ପାଇଥିଲେ। ଏହି ସମୟରେ ସେ ରିଭଲଭର ନେଇ ଏକ ଡାଏଲଗ୍ କହିବା ସହ ଲିପ୍ କିସ୍ କରିଥିଲେ। ଭିଡିଓଟି ଭାଇରାଲ ହେବା ପରେ ତାଙ୍କୁ ଥାନାରେ ହାଜର ହେବାକୁ କୁହାଯାଇଥିଲା। ଏହା ପରେ ସେ ଅଗଷ୍ଟ ୩୧ରେ ଆଗ୍ରା ଏସ୍ଏସ୍ପିଙ୍କ ନିକଟରେ ନିଜର ଇସ୍ତଫା ପତ୍ର ଦେଇଥିଲେ। ଏହି ଇସ୍ତଫାପତ୍ରକୁ ମଧ୍ୟ ଏସ୍ଏସ୍ପି ଗ୍ରହଣ କରିଥିଲେ। ଏହା ପରେ ପ୍ରିୟଙ୍କାଙ୍କୁ ତାଲିମ ପାଇଁ ଖର୍ଚ୍ଚ ହୋଇଥିବା ଟଙ୍କା ଫେରସ୍ତ ପାଇଁ ନୋଟିସ୍ କରାଯାଇଥିଲା।
ପ୍ରିୟଙ୍କା ପୋଲିସ ବିଭାଗକୁ ୧.୫୨ ଲକ୍ଷ ଟଙ୍କା ଏବଂ ସମସ୍ତ କିଟ୍ ଫେରାଇଥିଲେ। ପରେ ପ୍ରିୟଙ୍କାଙ୍କ ଫଲୋଅର୍ସ ବଢ଼ି ଚାଲିଥିଲେ। ପୂର୍ବରୁ ତାଙ୍କର ୧୫୦୦ ଫଲୋଅର୍ସ ଥିଲେ। ବର୍ତ୍ତମାନ ଏହି ସଂଖ୍ୟା ୫୦୦୦୦ ଟପିଲାଣି। ଏଥିସହ ପ୍ରିୟଙ୍କା ଧିରେ ଧିରେ ସୋସିଆଲ ମିଡିଆ ସେଲିବ୍ରିଟି ହୋଇଗଲେଣି।