ଓ୍ବାଚ୍‌ ଟାଓ୍ବାର ନିର୍ମାଣ ଅଧାପନ୍ତରିଆ: ପର୍ଯ୍ୟଟକ ନିରାଶ, ଅନୁଦାନ ପାଇଁ ଚିଠି

ଦାରିଙ୍ଗବାଡ଼ି,୫ା୧୨(ଅରୁଣ ସାହୁ): କନ୍ଧମାଳ ଜିଲା ଦାରିଙ୍ଗବାଡ଼ିକୁ ଏବେ ପର୍ଯ୍ୟଟକଙ୍କ ଆଗମନ ହେଉଥିବାବେଳେ ଡିସେମ୍ବର ୨୦ରୁ ଜାନୁଆରୀ ପ୍ରଥମ ସପ୍ତାହ ପର୍ଯ୍ୟନ୍ତ ପ୍ରତିବର୍ଷ ପର୍ଯ୍ୟଟକଙ୍କ ଭିଡ଼ ଅଧିକ ଦେଖିବାକୁ ମିଳିଥାଏ। ପର୍ଯ୍ୟଟକଙ୍କୁ ଆକୃଷ୍ଟ କରିବା ପାଇଁ ସ୍ଥାନୀୟ ଓ ଜିଲା ପ୍ରଶାସନ ପକ୍ଷରୁ ବ୍ୟାପକ ଯୋଜନା କରାଯାଉଛି। ହେଲେ କିଛି କାର୍ଯ୍ୟ ଅଧାପନ୍ତରିଆ ହୋଇରହିଥିବାରୁ ପର୍ଯ୍ୟଟକଙ୍କୁ ନିରାଶ ହେବାକୁ ପଡୁଛି। ଏଭଳି ଦେଖିବାକୁ ମିଳିଛି ଦାରିଙ୍ଗବାଡ଼ି ହିଲଭିୟୁ ପାର୍କର ଅର୍ଦ୍ଧ ନିର୍ମିତ ଓ୍ବାଚ୍‌ ଟାଓ୍ବାର କ୍ଷେତ୍ରରେ। ଉକ୍ତ ଟାଓ୍ବାର ହେଲେ ପର୍ଯ୍ୟଟକମାନେ ସେଠାରୁ ଇକୋ ରିଟ୍ରିଟ୍‌ର ଦୃଶ୍ୟ ସମେତ ପାଇନ ଜଙ୍ଗଲ, ପାହାଡ଼ର ସୌନ୍ଦର୍ଯ୍ୟ ଦେଖିବାକୁ ପାରିପାରିବେ। ଏହା ପୁରୁଣା ଓ୍ବାଚ୍‌ ଟାଓ୍ବାରଠାରୁ ଦୁଇଗୁଣ ବଡ଼ ଆକାର ଓ ଉଚ୍ଚତା ରହିବ। ଯାହାକି ଅଧିକ ଦୂର ଭିୟୁ ଦେଖିବାକୁ ପର୍ଯ୍ୟଟକଙ୍କୁ ମିଳିବ। ତେବେ ଅନୁଦାନ ଆସିବାରେ ବିଳମ୍ବ ଯୋଗୁ ଉକ୍ତ ଟାଓ୍ବାରଟିକୁ ସମ୍ପୂର୍ଣ୍ଣ କରିବା ସମ୍ଭବ ହେଉ ନ ଥିବା ଜଣାପଡ଼ିଛି।

ପ୍ରକାଶ ଯେ, ୨୦୦୦ ମସିହାରେ ହିଲ୍‌ଭିୟୁ ପାର୍କ ନିର୍ମାଣ କରାଯିବା ସହ ପର୍ଯ୍ୟଟକଙ୍କୁ ଦାରିଙ୍ଗବାଡ଼ିର ଭିୟୁ ଦେଖିବା ପାଇଁ ଏକ ଓ୍ବାଚ୍‌ ଟାଓ୍ବାର ନିର୍ମାଣ କରାଯାଇଥିଲା। ପରେ ୨୦୧୫ରେ ପୂର୍ବତନ ଜିଲାପାଳ ଏନ. ତିରୁମାଲା ନାଏକ ଏବଂ ପୂର୍ବତନ ବାଲିଗୁଡ଼ା ଉପଜିଲାପାଳ ଅନୁପମ ସାହାଙ୍କ ତତ୍ତ୍ୱାବଧାନରେ ହିଲ୍‌ଭିୟୁ ପାର୍କର ରୂପାନ୍ତର କରାଯିବା ସହ ଏହାକୁ ପରିଚାଳନା କରିବାକୁ ଏକ ଟ୍ରଷ୍ଟ୍‌ ରେଜିଷ୍ଟ୍ରେଶନ କରାଯାଇଥିଲା। ଆଜି ପର୍ଯ୍ୟନ୍ତ ଉକ୍ତ ଟ୍ରଷ୍ଟ ଜରିଆରେ ପାର୍କର ତଦାରଖ କରାଯାଉଛି ହେଲେ ସେହିଦିନଠାରୁ ଆଜି ପର୍ଯ୍ୟନ୍ତ କମ୍‌ ଉଚ୍ଚତା ବିଶିଷ୍ଟ ଓ୍ବାଚ୍‌ ଟାଓ୍ବାରକୁ ପର୍ଯ୍ୟଟକମାନେ ଦୀର୍ଘ ୨୪ ବର୍ଷ ହେଲା ଦେଖି ଆସୁଛନ୍ତି। ତେବେ ପର୍ଯ୍ୟଟକମାନେ ବର୍ତ୍ତମାନ ଏହାର ପରିବର୍ତ୍ତନ ଚାହୁଁଛନ୍ତି କିନ୍ତୁ ବିଳମ୍ବ ଯୋଗୁ ନିରାଶ ହେଉଥିବା ଜଣାପଡ଼ିଛି।

ନୂଆ ଟାଓ୍ବାର ପାଇଁ ଇତିମଧ୍ୟରେ ୧୦ ଲକ୍ଷ ଟଙ୍କା ଖର୍ଚ୍ଚ କରାଯାଇଥିଲେ ସୁଦ୍ଧା ଆହୁରି ଅନୁଦାନର ଆବଶ୍ୟକ ପଡୁଛି। ଯାହାକି ଅନୁଦାନ ଅଭାବରୁ ଅର୍ଦ୍ଧନିର୍ମିତ ହୋଇ ଉକ୍ତ ଓ୍ବାଚ୍‌ ଟାଓ୍ବାରଟି ରହିଛି। ପୁରୁଣା ଓ୍ବାଚ୍‌ ଟାଓ୍ବାରଟି ୧୦ ଫୁଟ ଉଚ୍ଚତା ରହିଥିବାବେଳେ ନୂତନ ଓ୍ବାଚ୍‌ ଟାଓ୍ବାରଟି ପ୍ରାୟ ୨୪ ଫୁଟ ଉଚ୍ଚତା ବିଶିଷ୍ଟ ବୋଲି ସହକାରୀ ନିର୍ବାହୀ ଯନ୍ତ୍ରୀ ଶିଶିର ପାତ୍ର କହିଛନ୍ତି। ସେ କହିଛନ୍ତି, ଆହୁରି ୮ ଲକ୍ଷ ଟଙ୍କା ଅନୁଦାନ ପାଇଁ ଚିଠି କରାଯାଇଛି। ଏଥିସହ ଦାରିଙ୍ଗବାଡ଼ିର ସମସ୍ତ ପର୍ଯ୍ୟଟନକ୍ଷେତ୍ର ପାଇଁ ୪ କୋଟି ୫୪ ଲକ୍ଷ ର ଅଟକଳ କରାଯାଇଥିବାବେଳେ ଅନୁଦାନ ଅପେକ୍ଷାରେ ସ୍ଥାନୀୟ ପ୍ରଶାସନ ରହିଥିବା ଜଣାପଡ଼ିଛି। ଅନୁଦାନ ଆସିଲେ ପର୍ଯ୍ୟଟନକ୍ଷେତ୍ରର ବିକାଶ ହୋଇପାରିବ ବୋଲି ଆଶା କରାଯାଉଛି।

ସୂଚନାଯୋଗ୍ୟ, ଆଉ କିଛିଦିନ ପରେ ଦାରିଙ୍ଗବାଡ଼ିରେ ଶୀତ ମହୋତ୍ସବ ହେବାକୁ ଜିଲା ଓ ସ୍ଥାନୀୟ ପ୍ରଶାସନ ପ୍ରସ୍ତୁତି ହେଉଛି। ଏହି ମହୋତ୍ସବ ପୂର୍ବରୁ ପର୍ଯ୍ୟଟନକ୍ଷେତ୍ରର ବିକାଶ ହେବା ନିହାତି ଜରୁରୀ। ସେହି ସମୟରେ ଦାରିଙ୍ଗିବାଡ଼ିକୁ ପର୍ଯ୍ୟଟକଙ୍କ ସଂଖ୍ୟା  ଆହୁରି ବୃଦ୍ଧି ପାଇବ ବୋଲି ପୂର୍ବାନୁମାନ କରାଯାଉଛି।


Enter your email to get our daily news in your inbox.

All Right Reserved By Dharitri.Com

ଭକ୍ତିମୟ ପରିବେଶରେ ମେଳଣ ପଡ଼ିଆ, ବିମାନରେ ବସିଲେ ଦୋଳଗୋବିନ୍ଦ

ପାଟଣା,୧୪ା୩(ବୀରକିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅଞ୍ଚଳରେ ଶୁକ୍ରବାର ରାଧା କୃଷ୍ଣଙ୍କ ଦୋଳ ପୂର୍ଣ୍ଣିମା ଓ ହୋଲି ଉତ୍ସବ ସମ୍ପନ୍ନ ହୋଇଛି। ଏହି ବ୍ଲକ...

ମେଟ୍ରୋ ରେଳ ପ୍ରକଳ୍ପ ପାଇଁ ଗଠନ ହେଲା ଉଚ୍ଚସ୍ତରୀୟ କମିଟି, ସୂଚନା ଦେଲେ ମନ୍ତ୍ରୀ

ଭୁବନେଶ୍ୱର,୧୪।୩: ବହୁ ପ୍ରତୀକ୍ଷିତ ଭୁବନେଶ୍ୱର ମେଟ୍ରୋ ରେଳ ପ୍ରକଳ୍ପର ଯୋଜନା ଏବଂ କାର୍ଯ୍ୟାନ୍ୱୟନ ତଦାରଖ କରିବା ପାଇଁ ଓଡ଼ିଶା ସରକାର ଏକ ଉଚ୍ଚସ୍ତରୀୟ କମିଟି ଗଠନ...

ଖୁଣ୍ଟରେ ପିଟିହେଲା କାର୍‌: ଚାଲିଗଲା ଦମ୍ପତିଙ୍କ ଜୀବନ

ବାଲୁଗାଁ,୧୪।୩: ଦୋଳ ପୂର୍ଣ୍ଣିମା ଅବସରରେ ଗାଁଠୁ ସହର ସବୁଠି ଉତ୍ସବର ମାହୋଲ ଥିବା ବେଳେ ଖୋର୍ଦ୍ଧା ଜିଲା ନୂଆଗଡ଼ରୁ ଆସିଛି ଏକ ଦୁଃଖଦ ଘଟଣା। ୧୬...

ପୋଲିସ ଘରେ କଳାକନା ବୁଲାଇଲେ ଚୋର, ଲୁଟିନେଲେ ନଗଦ ଟଙ୍କା ସହ ଲକ୍ଷାଧିକ ଟଙ୍କାର ସୁନାଗହଣା

ପାରଳାଖେମୁଣ୍ଡି,୧୪ା୩(ଗିରିଧାରୀ ପରିଚ୍ଛା): ଲୋକଙ୍କ ଭିତରେ ଏବେ କୋକୁଆ ଭୟ। ସହରରେ ଚୋରି ଘଟଣାରେ ରୋକ୍‌ ଲଗାଇ ପାରୁନି ପୋଲିସ। ଚଳିତ ବର୍ଷ ବର୍ତ୍ତମାନ ସୁଦ୍ଧା ପାଖାପାଖି...

ପାରଦ ଉପରମୁହାଁ: ଝାରସୁଗୁଡ଼ା ସବୁଠୁ ଉତ୍ତପ୍ତ

ଭୁବନେଶ୍ୱର,୧୪।୩: ରାଜ୍ୟରେ ଗତ କିଛିଦିନ ହେଲା ତାପମାତ୍ରା ବଢ଼ି ଚାଲିଛି। ପ୍ରବଳ ଖରା ସାଙ୍ଗକୁ ଗୁଳୁଗୁଳିରେ ଜୀବନଯାତ୍ରା ପ୍ରଭାବିତ ହୋଇଛି। ବୁଧବାର, ଗୁରୁବାର ଭଳି ଶୁକ୍ରବାର...

ଜଙ୍ଗଲରେ ଚରୁଥିବା ବେଳେ ହଠାତ୍‌ ଟଳିପଡ଼ିଲେ ୧୫ ଛେଳି, ମାଲିକ ଅଚେତ

ଢେଙ୍କାନାଳ,୧୪ା୩(ରତନ ନାୟାର): ଢେଙ୍କାନାଳ ସଦର ଥାନା ସୋଗରପଷି ପଞ୍ଚାୟତ ଆରଦା ଗାଁରେ ଅଭାବନୀୟ ଘଟଣା ଦେଖିବାକୁ ମିଳିଛି। ଜଙ୍ଗଲରେ ଚରୁଥିବା ଅବସ୍ଥାରେ ୧୫ରୁ ଊର୍ଦ୍ଧ୍ୱ ଛେଳିଙ୍କ...

ଶିଶୁକୁ ଉଦ୍ଧାର କରିବାକୁ ଯାଇ ବୁଡ଼ିଗଲେ ନାବାଳକ

ରାୟଗଡ଼ା,୧୪ା୩(ଆଶିଷ ରଞ୍ଜନ ପଣ୍ଡା): ରାୟଗଡ଼ା ସହର ନିକଟସ୍ଥ ଝୁଲା ପୋଲ ବୁଲିବାକୁ ଆସିଥିବା ଜଣେ ୧୭ ବର୍ଷୀୟ ନାବାଳକ ନାଗାବଳୀ ନଦୀରେ ବୁଡ଼ଯାଇଛନ୍ତି। ମୃତକ ଜଣକ...

ଭୁବନେଶ୍ୱରରେ ଖୁବ୍‌ଶୀଘ୍ର ଆରମ୍ଭ ହେବ ରେଡିଓ ଷ୍ଟେଶନ

ଭୁବନେଶ୍ୱର,୧୪ା୩: ଭୁବନେଶ୍ୱରରେ ଖୁବ୍‌ଶୀଘ୍ର ଆରମ୍ଭ ହେବ ନୂଆ କମ୍ୟୁନିଟି ରେଡିଓ ଷ୍ଟେଶନ ‘ରେଡିଓ ଭୁବନେଶ୍ୱର ୮୯.୨ ଏଫ୍‌ଏମ୍‌- ଦ ଟେମ୍ପଲ ସିଟି ରେଡିଓ’। ଏଫ୍‌ଏମ୍‌ ବ୍ୟାଣ୍ଡ୍‌ର...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri