ରସୁଲପୁର, ୧୮।୧୧(ଡି.ଏନ.ଏ.): ରସୁଲପୁର ବ୍ଲକ ବାରବାଟୀ ପଞ୍ଚାୟତ ୧୬ ନମ୍ବର ଜାତୀୟ ରାଜପଥ ପାର୍ଶ୍ୱସ୍ଥ ମହିଳା ହାଟଠାରେ ବୁଧବାର ୫୦୦ରୁ ଊର୍ଦ୍ଧ୍ୱ ନିର୍ମାଣ ଶ୍ରମିକ ଆନ୍ଦୋଳନ କରିଛନ୍ତି। କରୋନାର ସ୍ବତନ୍ତ୍ର ଆର୍ଥତ୍କ ସହାୟତାର ଦ୍ୱିତୀୟ ଦଫାରୁ ବଞ୍ଚତ୍ତ ଶ୍ରମିକ ଏହି ଆନ୍ଦୋଳନ କରିଥିଲେ। ପରେ ଶ୍ରମିକ ନେତା ପ୍ରଦୀପ ନାୟକଙ୍କ ତତ୍ତ୍ୱାବଧାନରେ ଶ୍ରମିକମାନେ ସେମାନଙ୍କ ସମସ୍ୟା ଆଲୋଚନା କରିଥିଲେ। ନାୟକ ଶ୍ରମିକଙ୍କୁ ବୁଝାଶୁଝା କରିବା ସହ ଘଟଣା ସମ୍ପର୍କରେ ଜିଲା ଶ୍ରମ ଅଧିକାରୀ ସନ୍ତୋଷ ମହାନ୍ତିଙ୍କୁ ଅବଗତ କରାଇଥିଲେ। ପରେ ଶ୍ରମ ଅଧିକାରୀ ମହାନ୍ତି ପହଞ୍ଚତ୍ ଶ୍ରମିକଙ୍କ ସହ ଆଲୋଚନା କରିଥିଲେ। ଦ୍ୱିତୀୟ କିସ୍ତିରୁ ବଞ୍ଚତ୍ତ ଶ୍ରମିକଙ୍କ ବ୍ୟାଙ୍କ ଖାତାକୁ ୧୫୦୦ଟଙ୍କା ପଠାଯାଇଛି। ଅଧିକାଂଶ ଶ୍ରମିକଙ୍କ ଜମାଖାତା ସହ ଆଧାର ଲିଙ୍କ ହୋଇ ନ ଥିବାରୁ ସେମାନଙ୍କ ଜମାଖାତାକୁ ସହାୟତା ଯାଇପାରି ନ ଥିବା ଜଣାପଡ଼ିଛି। ଶ୍ରମ ଅଧିକାରୀ ହିତାଧିକାରୀଙ୍କୁ ସେମାନଙ୍କ ଜମାଖାତା ସହ ଆଧାର ଲିଙ୍କ କରିବାକୁ ପରାମର୍ଶ ଦେଇଥିଲେ। ଆଧାର ଲିଙ୍କ ପରେ ଶ୍ରମିକଙ୍କ ଜମାଖାତାରେ ଦ୍ୱିତୀୟ କିସ୍ତି ସହାୟତା ଉପଲବ୍ଧ ହେବ ବୋଲି ନାୟକ ସୂଚନା ଦେଇଥିଲେ। ଏହିକ୍ରମରେ ହାଟସ୍ଥଳରେ ଏକତ୍ରିତ ହୋଇଥିବା ୫୩୭ ଶ୍ରମିକଙ୍କଠାରୁ ପ୍ରମାଣପତ୍ର ସଂଗ୍ରହ କରାଯାଇଥିଲା। ପ୍ରକାଶଯୋଗ୍ୟ, ଯାଜପୁର ଜିଲାରେ ୮୪ ହଜାର ପଞ୍ଜୀକୃତ ନିର୍ମାଣ ଶ୍ରମିକ ରହିଛନ୍ତି। ସେମାନଙ୍କ ମଧ୍ୟରୁ ପ୍ରାୟତଃ ୪୯ହଜାର ଶ୍ରମିକ ପରିବାରକୁ ଦ୍ୱିତୀୟ କିସ୍ତି ଆର୍ଥିକ ସହାୟତା ମିଳି ସାରିଛି। ସହାୟତାରୁ ବଞ୍ଚତ୍ତ ଶ୍ରମିକଙ୍କୁ ସହାୟତା ପ୍ରଦାନ ପାଇଁ ଜିଲା ଶ୍ରମ ବିଭାଗ ପ୍ରତ୍ୟେକ ବ୍ଲକରେ ପହଞ୍ଚତ୍ ଶ୍ରମିକଙ୍କଠାରୁ ଆବଶ୍ୟକ ପ୍ରମାଣପତ୍ର ସଂଗ୍ରହ କରାଯାଉଛି ବୋଲି ଶ୍ରମ ଅଧିକାରୀ ମହାନ୍ତି କହିଛନ୍ତି।