ଓ୍ବାଶିଂଟନ,୨୨ା୪: ଆମେରିକୀୟ ସୁପ୍ରିମକୋର୍ଟ ଏକ ରାୟ ପ୍ରକାଶ କରିଛନ୍ତି। ଯାହାକୁ ନେଇ ଚର୍ଚ୍ଚା ଜୋର୍ ଧରିଛି। ଗର୍ଭପାତ ପାଇଁ ମହିଳାମାନେ ବହୁଳ ଭାବେ ବ୍ୟବହାର କରୁଥିବା ‘ମିଫେପ୍ରିଷ୍ଟୋନ’ ଔଷଧକୁ ବୈଧ ଘୋଷଣା କରିଛନ୍ତି ସୁପ୍ରିମକୋର୍ଟ। କିଛିଦିନ ଧରି ଗର୍ଭପାତ ପାଇଁ ବ୍ୟବହୃତ ହେଉଥିବା ଏହି ଔଷଧକୁ ନେଇ ନାନା ବିବାଦ ଦେଖାଦେଇଥିଲା। ଫଳରେ ନିମ୍ନ ଅଦାଲତରେ ମାମଲା ପହଞ୍ଚିଥିଲା। ତେବେ ଏହି ପ୍ରତିବନ୍ଧକକୁ ଖାରଜ କରି ଦେଇଛନ୍ତି ସୁପ୍ରିମକୋର୍ଟ।
ଟେକ୍ସାସର ଜଣେ ଜଜ୍ ‘ମିଫେପ୍ରିଷ୍ଟୋନ’ ବ୍ୟବହାର ବନ୍ଦ ପାଇଁ ନିର୍ଦ୍ଦେଶ ଦେଇଥିଲେ। ଏହା ପରଠାରୁ ବିବାଦ ଉପୁଜିଥିଲା। ଏହି ଔଷଧ ଭ୍ରୁଣ ହତ୍ୟା ପାଇଁ ବ୍ୟବହାର କରାଯାଉଥିଲା ବୋଲି ଅଭିଯୋଗ ଉଠିଥିଲା। ଔଷଧ ପ୍ରସ୍ତୁତକର୍ତ୍ତା ଡାନ୍କୋ ଲାବୋରେଟୋରୀ ରାୟ ବିରୋଧରେ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ।