ନୂଆଦିଲ୍ଲୀ,୨୨।୧୨: ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନଭିସଙ୍କ ସ୍ତ୍ରୀ ଅମୃତା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଆଧୁନିକ ଭାରତର ‘ରାଷ୍ଟ୍ରପିତା’ ଆଖ୍ୟା ଦେଇଛନ୍ତି। ଏହାକୁ ନେଇ ବିବାଦ ଆରମ୍ଭ ହୋଇଛି। କଂଗ୍ରେସ ସହିତ ମହାତ୍ମା ଗାନ୍ଧୀଙ୍କ ଅଣନାତି ତୁଷାର ଗାନ୍ଧୀ ମଧ୍ୟ ଏହି ମନ୍ତବ୍ୟ ଉପରେ ତୀବ୍ର ପ୍ରତିକ୍ରିୟା ପ୍ରକାଶ କରିଛନ୍ତି। ଅମୃତାଙ୍କ ମନ୍ତବ୍ୟକୁ ନେଇ ତୁଷାର ଗାନ୍ଧୀ କହିଛନ୍ତି, ଅମୃତା ଯେଉଁ ଆରଏସଏସର ଆଜ୍ଞାକୁ ପାଳନ କରୁଛନ୍ତି, ତାହା ସ୍ବାଗତଯୋଗ୍ୟ। ସେମିତିରେ ବି ବାପୁ ଆଜିର ଭାରତଠାରୁ ବହୁ ପୂର୍ବରୁ ବିମୁଖ ହୋଇଥାନ୍ତେ। ମହାରାଷ୍ଟ୍ର ବିଧାନସଭାରେ ଏକ ଆନୁଷ୍ଠାନିକ ଭାବେ ମୋଦିଙ୍କୁ ‘ମନୁବାଦୀ ହିନ୍ଦୁ ରାଷ୍ଟ୍ର ଭାରତ’ର ପିତା ବୋଲି ଘୋଷଣା କରିବା ଉଚିତ।
ଅନ୍ୟପକ୍ଷରେ କଂଗ୍ରେସ ନେତା ତଥା ମହାରାଷ୍ଟ୍ରର ପୂର୍ବତନ ମନ୍ତ୍ରୀ ଯଶୋମତି ଠାକୁର ଅମୃତାଙ୍କ ମନ୍ତବ୍ୟକୁ ନେଇ ସମାଲୋଚନା କରିଛନ୍ତି। ସେ କହିଛନ୍ତି, ଭାଜପା ଏବଂ ରାଷ୍ଟ୍ରୀୟ ସ୍ବୟଂସେବକ ସଂଗଠନର ଆଦର୍ଶ ଅନୁସରଣ କରୁଥିବା ଲୋକମାନେ ବାରମ୍ବାର ଗାନ୍ଧିଜୀଙ୍କୁ ହତ୍ୟା କରିବାକୁ ଚେଷ୍ଟା କରୁଛନ୍ତି। ସେମାନେ ଏହିପରି କଥାବାର୍ତ୍ତା ଜାରି ରଖିଛନ୍ତି କାରଣ ଗାନ୍ଧିଜୀଙ୍କ ପରି ମହାନ ଲୋକଙ୍କୁ ମିଛ କହି ବଦନାମ କରି ଦେଶର ଇତିହାସ ବଦଳାଇବା ପାଇଁ ସେମାନଙ୍କ ମନରେ ଏକ କ୍ରେଜ ରହିଛି।
ସୂଚନାଯୋଗ୍ୟ,ନାଗପୁରରେ ଏକ କାର୍ଯ୍ୟକ୍ରମରେ ମହାତ୍ମା ଗାନ୍ଧୀ କିଏ ବୋଲି ପଚରାଯିବାରୁ ଅମୃତା କହିଥିଲେ, ଆମ ଦେଶରେ ଦୁଇଜଣ ରାଷ୍ଟ୍ରପିତା ଅଛନ୍ତି। ମହାତ୍ମା ଗାନ୍ଧୀ ପୂର୍ବରୁ ରାଷ୍ଟ୍ରପିତା ହୋଇଥିବାବେଳେ ପ୍ରଧାନମନ୍ତ୍ରୀ ମୋଦି ହେଉଛନ୍ତି ଆଧୁନିକ ଭାରତର ରାଷ୍ଟ୍ରପିତା।
