ବିଳମ୍ବରେ ସ୍କୁଲ ଖୋଲିବାକୁ ନେଇ ଉତ୍ତେଜନା

ନୟାଗଡ଼ ଅଫିସ,୧୩।୯:ନୟାଗଡ଼ ଏନଏସି ହାଇସ୍କୁଲ ପୂର୍ବାହ୍ନ ୧୦ଟାରେ ବି ଖୋଲୁନାହିଁ। ଶିକ୍ଷୟତ୍ରୀଶିକ୍ଷକଙ୍କ ସଠିକ ସମୟରେ ସ୍କୁଲକୁ ଆସୁନାହାନ୍ତି। ମଙ୍ଗଳବାର ମଧ୍ୟ ସମାନ ଦୃଶ୍ୟ ଦେଖିବାକୁ ମିଳିଥିଲା। ଛାତ୍ରୀଛାତ୍ର ସ୍କୁଲ ସମୟାନୁସାରେ ଆସିଥିଲେ ମଧ୍ୟ ସ୍କୁଲ ଗେଟ୍‌ ଖୋଲାଯାଇ ନ ଥିଲା। କେହି ସ୍କୁଲ ମୁଖ୍ୟ ଗେଟରେ ତ ଆଉ କେହି ପଛ ଗେଟରେ ଅପେକ୍ଷା କରିଥିଲେ। ସ୍କୁଲ ଗେଟ୍‌ ଖୋଲା ନ ଯିବାରୁ ଏହାକୁ ନେଇ ଚାପା ଉତ୍ତେଜନା ଦେଖା ଦେଇଥିଲା। ତେବେ ୧୦.୫ରେ ସ୍କୁଲ ଖୋଲିଥିଲା। ଜିଲା ସଦର ମହକୁମାର ଏନ୍‌ଏଚ୍‌ ୫୭ ରାଜପଥ ଉପରେ ଅବସ୍ଥିତ ଏହି ସ୍କୁଲରେ ଏଭଳି ଅବ୍ୟବସ୍ଥା ନେଇ ଅସନ୍ତୋଷ ପ୍ରକାଶ ପାଇଛି।