ସାଧାରଣତଃ ଗାଁ ମାଟି ଉପରେ ବା କେବେ କେବେ ପାହାଡ ଉପରେ ଗଢି ଉଠିଥିବା ସମସ୍ତେ ଜାଣିଥିବେ । ହେଲେ ବିଶ୍ୱରେ ଏମିତି ଏକ ଗାଁ ରହିଛି ଯାହା ମାଟିତଳେ । ଏଠାରେ ସବୁକିଛି ମିଳିବ ହେଲେ ଅଣ୍ଡରଗ୍ରାଉଣ୍ଡ । ଏଠାରେ ଘର, ଦୋକାନ, ଚର୍ଚ୍ଚ, ମଲ, ହୋଟେଲ, ସ୍କୁଲ ସବୁକିଛି ରହିଛି ମାଟିତଳେ । ଦକ୍ଷିଣ ଅଷ୍ଟ୍ରେଲିଆରେ ରହିଥିବା ଏହି ଗାଁର ନାଁ କୁବର ପେଡି । ଏଠାକାର ଅଧିକାଂଶ ଲୋକେ ମାଟିତଳେ ରହି ଥାଆନ୍ତି । ଏଠାକାର ଅଧିକାଂଶ ସିଷ୍ଟମ ଖୋଳାଯାଇ ନିର୍ମାଣ କରାଯାଇଛି । ମାଟିତଳେ ଥିବା ଘର ଗୁଡିକରେ ସମସ୍ତ ପ୍ରକାର ସୁବିଧା ରହିଛି ଏଠାରେ ପାଖାପାଖି ୧୫୦୦ ଘର ରହିଛି । ଯେଉଁଠି କିଛି ହଲିଉଡ୍ ଫିଲ୍ମର ଶୁଟିଂ ବି କରାଯାଇଛି ।
କୁହାଯାଏ ଏହି ମାଟିତଳ ଗାଁରେ ୧୯୧୫ରେ ଖଣି କାମ ଆରମ୍ଭ କରାଯାଇଥିଲା । କୁବେର ପେଡି ଏକ ମରୁଭୂମି ଅଞ୍ଚଳ ହୋଇଥିବାରୁ ଏଠାରେ ଗରମ ଦିନେ ପ୍ରବଳ ଗରମ ହୋଇଥାଏ ଓ ଶୀତଦିନେ ବହୁତ ଥଣ୍ଡା ଲାଗିଥାଏ । ସେଥିପାଇଁ ଏଠାରେ ଲୋକେ ବହୁ ସମସ୍ୟା ଭୋଗ କରନ୍ତି । ଖରାଦିନେ ଏଠାକାର ତାପମାତ୍ରା ପାଖାପାଖି ୧୨୦ ଡିଗ୍ରୀ ହୋଇଯାଇଥାଏ । ଏଠାରେ ମାଟିତଳୁ ଆସିଥିବା କିଛି ଚିମନି ରହିଛି । ସେଥିପାଇଁ ଏହାକୁ ସାଇନ ବୋର୍ଡ ମାଧ୍ୟମରେ ସତର୍କ କରାଯାଇଛି । କାରଣ କେହି ଚାଲି ଚାଲି ଯାଉ ଯାଉ ଏଥିରେ ପଡି ନ ଯାଉ । ମାଟିତଳେ ଗଢି ଉଠିଥିବା ଏହି ଗାଁରେ ଇଣ୍ଟନେଟଠାରୁ ଆରମ୍ଭ କରି ପାଣି, ଇଲେକ୍ଟ୍ରିସିଟି ସବୁ ସୁବିଧା ରହିଛି । କେବଳ ସୂର୍ଯ୍ୟ କିରଣ ଏଠାରେ ଅଭାବ ରହିଛି । ଏଠାରେ ଥିବା ହୋଟେଲରେ ବି ଚାହିଁଲେ ରାତି କାଟିହେବ ।