କେନ୍ଦୁଝର,୨୦ା୧୧(ସ୍ବ.ପ୍ର.): ଓଡ଼ିଶା ସମବାୟ କର୍ମଚାରୀ ମହାସଂଘ ଡାକରାରେ କେନ୍ଦୁଝର ଜିଲାର ସମସ୍ତ ପାକ୍ସ ଓ ଲ୍ୟାମ୍ପସ୍ର କର୍ମଚାରୀମାନେ ୫ ଦଫା ଦାବିରେ କେନ୍ଦୁଝର ଉପନିବନ୍ଧକଙ୍କ କାର୍ଯ୍ୟାଳୟ ସମ୍ମୁଖରେ ଅନିର୍ଦ୍ଦିଷ୍ଟ କାଳ କାର୍ଯ୍ୟବନ୍ଦ ଆନ୍ଦୋଳନ ଓ ଧାରଣା ଜାରି ରଖିଛନ୍ତି ା ଗତ ୧୪ ତାରିଖରୁ ଏହି ଆନ୍ଦୋଳନ ଚାଲିଥିବାରୁ ଲ୍ୟାମ୍ସଗୁଡ଼ିକରେ କାର୍ଯ୍ୟ ବ୍ୟାହତ ହୋଇଛି। ନିବନ୍ଧକ ସମବାୟ ସମିତି ସମୂହ ଓଡ଼ିଶାଙ୍କ ପତ୍ର ସଂଖ୍ୟା ୧୪୩୯୨/ ୩୦ା୯ା୨୧କୁ ବାତିଲ କରି ସମସ୍ତ କର୍ମଚାରୀଙ୍କୁ ଅବସ୍ଥାପିତ କରିବା, ଚାଷୀ ଧାନ ବିକ୍ରି ପଞ୍ଜୀକରଣ ଓ ଧାନ କ୍ରୟକୁ ନେଇ ସମ୍ପାଦକ ଓ ଡିଇଓଙ୍କ ବିରୋଧରେ ହେଉଥିବା କାର୍ଯ୍ୟାନୁଷ୍ଠାନ ପ୍ରତ୍ୟାହୃତ, ସମାନ କାମକୁ ସମାନ ଦରମା, ସମସ୍ତ କର୍ମଚାରୀଙ୍କୁ ପଦୋନ୍ନତି, ସରକାରଙ୍କ ସପ୍ତମ ବେତନ କମିଶନ ହିସାବରେ ଦରମା ଦେବା ଆଦି ଦାବିରେ ଏହି ଆନ୍ଦୋଳନ ଡାକରା ଦିଆଯାଇଛି।