ରାଞ୍ଚି, ୨୩।୮: ଝାଡ଼ଖଣ୍ଡର ଧାନବାଦ ଜିଲାରେ କରୋନା ଆକ୍ରାନ୍ତ ହୋଇଥିବା ଜଣେ ଅଭିଯୁକ୍ତ କୋଭିଡ୍ ହସ୍ପିଟାଲ ଭିତରେ ମଦ ପିଉଥିବାର ଫଟୋ ଏବେ ସୋସିଆଲ ମିଡିଆରେ ଭାଇରାଲ ହୋଇଛି। ଏହି ଫଟୋରେ ଦେଖିବାକୁ ମିଳିଛି ଯେ, ଯୁବକଜଣଙ୍କ ସାମ୍ନାରେ ଗୋଟିଏ ଟେବୁଲ ଉପରେ ଖାଇବା ରଖାଯାଇଛି। ଯୁବକଜଣଙ୍କ ଏହି ସମୟରେ ମଦ ବୋତଲ ଧରିଛନ୍ତି। ଏଥିସହ ନିଶାରେ ଯୁବକଜଣଙ୍କ ନିଜେ ନିଜର ଫଟୋକୁ ସୋସିଆଲ ମିଡିଆରେ ଶେୟାର କରିଛନ୍ତି। ଏହି ଘଟଣା ଜଣାପଡ଼ିବା ପରେ ଯୁବକଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଝାଡ଼ଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନ ଜିଲା ପ୍ରଶାସନକୁ ନିର୍ଦ୍ଦେଶ ଦେଇଛନ୍ତି। ଘଟଣାରୁ ଜଣାପଡ଼ିଛି ଯେ, ଏହି ଯୁବକ ଜଣଙ୍କ ମାରପିଟ୍, ନିର୍ଯାତନା ମାମଲାରେ କିଛିଦିନ ତଳେ ଗିରଫ ହୋଇଥିଲା। ଗିରଫ ପରେ ଯେତେବେଳେ ତାଙ୍କର କରୋନା ଟେଷ୍ଟ କରାଯାଇଥିଲା ରିପୋର୍ଟ ନେଗେଟିଭ ଆସିଥିଲା। ଏହାପରେ ତାଙ୍କୁ ଜିଲା କୋଭିଡ୍ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା। କିନ୍ତୁ ଯୁବକଜଣଙ୍କ ହସ୍ପିଟାଲ ପରିସରରେ ମଦ ପିଇ ଏବେ ଚର୍ଚ୍ଚାକୁ ଆସିଛନ୍ତି।
