ନୟାଗଡ଼ ଅଫିସ,୨୫ା୬: ନୟାଗଡ଼ର ଜଣେ ସୁନା ବ୍ୟବସାୟୀ କରୋନା ପଜିଟିଭ୍ ଚିହ୍ନଟ ହେବା ପରେ ଆକ୍ରାନ୍ତଙ୍କ ସଂଖ୍ୟା ବଢ଼ିବଢ଼ି ଚାଲିଛି। ସୁନା ବ୍ୟବସାୟୀଙ୍କ ଦୋକାନରେ ଥିବା ୧୦ ଜଣ ଏବେ ଆକ୍ରାନ୍ତ ହୋଇ ସାରିଲେଣି। ସହରର ଯଦୁମଣିନଗର, ଦେବୋତ୍ତରକଲୋନୀ ଓ ନୟାଗଡ଼ ନିକଟସ୍ଥ ଜାମୁସାହିରୁ ୩ କରୋନା ଆକ୍ରାନ୍ତ ଗୁରୁବାର ଚିହ୍ନଟ ପରେ ନୟାଗଡ଼ର ଜାମୁସାହି କଣ୍ଟେନ୍ମେଣ୍ଟ୍ ଜୋନ୍ ଘୋଷଣା ହୋଇଛି। ସେହିପରି ଯଦୁମଣି ନଗର କଣ୍ଟେନ୍ମେଣ୍ଟ୍ ଜୋନ୍ ଘୋଷଣା ହୋଇ ନ ଥିଲେ ମଧ୍ୟ କଣ୍ଟେନ୍ମେଣ୍ଟ୍ ଜୋନ୍ ପରି କଟକଣା ଲାଗୁ ହୋଇଥିବା ଜିଲାପାଳ ପୋମା ଟୁଡୁ ଖବରଦାତା ସମ୍ମିଳନୀରେ ସୂଚନା ଦେଇଛନ୍ତି।