କରୋନା ଯୋଗୁ ଜାରି ରହିଥିବା ଲକ୍ଡାଉନ୍ ପାଇଁ ଫିଲ୍ମଠାରୁ ଆରମ୍ଭକରି ଧାରାବାହିକର ପର୍ଯ୍ୟନ୍ତ ସବୁ ଶୁଟିଂ ବନ୍ଦ ରହିଥିଲା। ଏବେ ଧୀରେ ଧୀରେ ଶୁଟିଂ ଆରମ୍ଭ ହୋଇଛି। ତେବେ ସୋନୀ ଟିଭିରେ ପ୍ରସାରିତ ଧାରାବାହିକ ‘ମେରେ ସାଇଁ’ ର ଶୁଟିଂ ଆରମ୍ଭ ହେଉ ହେଉ ପୁଣିଥର ବନ୍ଦ କରିବାକୁ ପଡ଼ିଛି। କାରଣ ଶୋ’ର ଶୁଟିଂ ସେଟ୍ର ଜଣେ କ୍ରୁ ମେମ୍ବରଙ୍କୁ କରୋନା ହୋଇଥିବା ଜଣାପଡ଼ିଛି। ଏହା ଜଣାପଡ଼ିବା ପରେ ସଙ୍ଗେ ସଙ୍ଗେ ସମସ୍ତ ଶୁଟିଂକୁ ବନ୍ଦ କରିଦିଆଯାଇଛି। ଏଥିସହ ଶୋ’ର ସମସ୍ତ ସଦସ୍ୟଙ୍କୁ କିଛି ଦିନ ପାଇଁ ହୋମ୍ କ୍ୱାରାଣ୍ଟାଇନ୍ରେ ରହିବାକୁ କୁହାଯାଇଛି। ଏଥିସହ ଶୁଟିଂ ସେଟ୍କୁ ସାନିଟାଇଜ୍ କରାଯାଇଥିବା ଜଣାପଡ଼ିଛି।