ନୂଆଦିଲ୍ଲୀ,୨୨।୧୨ : ଚାଇନାରେ କରୋନା ଭାଇରସର ଆତଙ୍କ ପରେ ଭାରତରେ ସତର୍କତା ମଧ୍ୟ ବୃଦ୍ଧି କରାଯାଇଛି। କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ଲୋକଙ୍କୁ ଭିଡ଼ରେ ମାସ୍କ ପିନ୍ଧିବା ଏବଂ ସତର୍କତାମୂଳକ ପଦକ୍ଷେପ ନେବାକୁ ପରାମର୍ଶ ଦେଇଛନ୍ତି। ଏଥି ସହିତ ରାଜ୍ୟ ସରକାର ମଧ୍ୟ ଏ ସମ୍ପର୍କରେ ନିଜର ପ୍ରସ୍ତୁତି କରୁଛନ୍ତି। ଏହି ମର୍ମରେ କରୋନା ସଚେତନତା ସଂସଦରେ ଦେଖିବାକୁ ମିଳିଛି।
ରାଜ୍ୟ ସଭା ଅଧ୍ୟକ୍ଷ ଉପରାଷ୍ଟ୍ରପତି ଜଗଦୀପ୍ ଧନକର ଏବଂ ଲୋକ ସଭା ବାଚସ୍ପତି ଓମ ବିର୍ଲା ମାସ୍କ ପିନ୍ଧି ଗୃହରେ ପହଞ୍ଚିଥିବାର ଦେଖିବାକୁ ମିଳିଛି।
ଲୋକସଭା ବାଚସ୍ପତି ଓମ ବିର୍ଲା ସମସ୍ତ ସାଂସଦଙ୍କୁ ମାସ୍କ ପିନ୍ଧିବାକୁ ନିବେଦନ କରିଛନ୍ତି। ଗୃହର ପ୍ରକ୍ରିୟା ସମୟରେ ବିର୍ଲା ନିଜେ ମଧ୍ୟ ମାସ୍କ ପିନ୍ଧିଥିଲେ। ସେ କହିଛନ୍ତି ଯେ ସରକାର କରୋନା ସଂକ୍ରମଣ ସମ୍ପର୍କରେ ଶୀଘ୍ର ପଦକ୍ଷେପ ନେଇଛନ୍ତି ଏବଂ ଲୋକଙ୍କୁ ସର୍ବସାଧାରଣ ସ୍ଥାନରେ ମାସ୍କ ପିନ୍ଧିବାକୁ ପରାମର୍ଶ ଦେଇଛନ୍ତି। ଉଭୟ ଗୃହର ବହୁ ଏମ୍ପି ମଧ୍ୟ ମାସ୍କ ପିନ୍ଧିଥିଲେ।