ନୂଆଦିଲ୍ଲୀ,୨୪।୧୧ : ବହିର୍ବ୍ୟାପାର ମନ୍ତ୍ରୀ ଏସ ଜୟଶଙ୍କର ବିଶ୍ୱ ଖାଦ୍ୟ ସୁରକ୍ଷା ପାଇଁ ତିନୋଟି ପ୍ରମୁଖ ଆହ୍ବାନ ଭାବେ କରୋନା, ବିବାଦ ଏବଂ ଜଳବାୟୁ ପରିବର୍ତ୍ତନକୁ ଉପସ୍ଥାପନ କରିଛନ୍ତି। ଅନ୍ତର୍ଜାତୀୟ ବାଜରା ବର୍ଷ ୨୦୨୩ ର ପ୍ରି-ଲଞ୍ଚ କାର୍ଯ୍ୟକୁ ସମ୍ବୋଧିତ କରି ସେ କହିଛନ୍ତି ଯେ ଏହି ତିନୋଟି ଆହ୍ବାନ ମଧ୍ୟରୁ ପ୍ରତ୍ୟେକ ଖାଦ୍ୟ ସୁରକ୍ଷା ଉପରେ ବିଶେଷ ପ୍ରଭାବ ପକାଇଛି। ଭାରତ ପୃଥିବୀର ସର୍ବବୃହତ୍ ବାଜରା ଉତ୍ପାଦକ। ବିଶ୍ୱର ବାଜରା ଉତ୍ପାଦନର ପ୍ରାୟ ୨୦ ପ୍ରତିଶତ ଭାରତ ରେ ହୋଇଥାଏ।
ସେ କହିଛନ୍ତି ଯେ ଖାଦ୍ୟ ସୁରକ୍ଷା ସହିତ ଅନ୍ତର୍ଜାତୀୟ ସମ୍ପର୍କ ଆରମ୍ଭ ହୋଇଛି। ନିଜ ପାଇଁ ଖାଦ୍ୟ କିପରି ସୁରକ୍ଷିତ ରହିବ ଏବଂ ଏହାକୁ ଅନ୍ୟମାନଙ୍କୁ କିପରି ପଠାଯିବ ତାହା ମୁଖ୍ୟ ଚିନ୍ତ ାପାଲଟି ଥିଲା। ସେଥିପାଇଁ ଆମେ ଅନ୍ତର୍ଜାତୀୟ ସ୍ତରରେ ଭାରତୀୟ ବାଜରା ବର୍ଷ ପାଳନ କରିବାକୁ ନିଷ୍ପତ୍ତି ନେଇଛୁ।
କେନ୍ଦ୍ର କୃଷି ମନ୍ତ୍ରଣାଳୟ ଅନୁଯାୟୀ, ଭାରତ ଏସିଆରେ ୮୦ ପ୍ରତିଶତ ବାଜରା ଉତ୍ପାଦନ କରିଥାଏ। ବାଜରା ଉତ୍ପାଦନ ଏବଂ ଚାହିଦା ବଢ଼ାଇବାକୁ ଭାରତ ସରକାର ୨୦୨୩ ବର୍ଷକୁ ଅନ୍ତର୍ଜାତୀୟ ବାଜରା ବର୍ଷ ଭାବରେ ପାଳନ କରିବାକୁ ନିଷ୍ପତ୍ତି ନେଇଛନ୍ତି। ଏହି ସମୟରେ, ଭାରତୀୟ ବାଜରା, ଏଥିରୁ ପ୍ରସ୍ତୁତ ସୁସ୍ବାଦୁ ଖାଦ୍ୟ ଏବଂ ମୂଲ୍ୟଯୁକ୍ତ ଉତ୍ପାଦଗୁଡିକ ବିଶ୍ୱବ୍ୟାପୀ ପ୍ରୋତ୍ସାହିତ କରାଯିବ।
