ନୂଆଦିଲ୍ଲୀ,୧୯।୨ : କରୋନା ମହାମାରୀ ଭାରତୀୟଙ୍କ ଫୁସଫୁସକୁ ବହୁତ ଦୁର୍ବଳ କରିଦେଇଛି। ଭେଲୋରର ଖ୍ରୀଷ୍ଟିଆନ ମେଡିକାଲ କଲେଜ ଦ୍ୱାରା କରାଯାଇଥିବା ଏକ ଅଧ୍ୟୟନ ରିପୋର୍ଟରୁ ଏହା ଜଣାପଡିଛି। ୟୁରୋପୀୟ ଏବଂ ଚାଇନା ଲୋକଙ୍କ ଅପେକ୍ଷା ଭାରତୀୟ ଲୋକଙ୍କ ଫୁସଫୁସ ଅଧିକ କ୍ଷତିଗ୍ରସ୍ତ ହୋଇଛି। ଅଧ୍ୟୟନରେ ଏହା ମଧ୍ୟ ପ୍ରକାଶ ପାଇଛି ଯେ କିଛି ଲୋକ ଗୋଟିଏ ବର୍ଷ ମଧ୍ୟରେ ଏଥିରୁ ମୁକ୍ତି ପାଇପାରିଛନ୍ତି କିନ୍ତୁ ଅନ୍ୟମାନଙ୍କୁ ଜୀବନସାରା ଦୁର୍ବଳ ଫୁସଫୁସ ସହିତ ବଞ୍ଚିବାକୁ ପଡିବ।
ଅଧ୍ୟୟନରେ, ୨୦୭ ଜଣଙ୍କର ଫୁସଫୁସ ପରୀକ୍ଷା କରାଯାଇଥିଲା। ଯେଉଁ ରୋଗୀମାନଙ୍କର କମ କିମ୍ବା ମଧ୍ୟମ ଏବଂ ଗୁରୁତର କରୋନା ସଂକ୍ରମଣ ସମସ୍ୟା ଥିଲା ସେମାନଙ୍କର ଫୁସଫୁସ, ଛଅ ମିନିଟ ଧରି ପରୀକ୍ଷା କରାଯାଇଥିଲା। ଏହା ସହିତ ସେମାନଙ୍କର ରକ୍ତ ପରୀକ୍ଷା ଏବଂ ସ୍ବାସ୍ଥ୍ୟ ପରୀକ୍ଷା କରାଯାଇଥିଲା।
ଅତ୍ୟଧିକ ସମ୍ବେଦନଶୀଳ ଫୁସଫୁସକୁ ପରୀକ୍ଷା କରାଯାଇଥିଲା। ଏହାକୁ ଗ୍ୟାସ ସ୍ଥାନାନ୍ତର (ଡିଏଲସିଓ) କୁହାଯାଏ। ଏହା ମାଧ୍ୟମରେ ବାୟୁରୁ ଅମ୍ଳଜାନ ନେବା କ୍ଷମତା ମାପ କରାଯାଏ। ଅନୁସନ୍ଧାନରୁ ଜଣାପଡିଛି ୪୪ ପ୍ରତିଶତ ଲୋକଙ୍କ ଫୁସଫୁସ କ୍ଷତିଗ୍ରସ୍ତ ହୋଇଛି। ଡାକ୍ତରଙ୍କ ଅନୁଯାୟୀ ଏହା ଅତ୍ୟନ୍ତ ଚିନ୍ତାଜନକ। ୩୫ ପ୍ରତିଶତରୁ କମ ରୋଗୀଙ୍କ ଫୁସଫୁସରେ କ୍ଷତି ଘଟିଥିଲା। ଫୁସଫୁସ ସଂକୋଚନ ହେବାରେ ୩୫ ପ୍ରତିଶତ ଲୋକଙ୍କର ସମସ୍ୟା ଥିଲା। ଯେଉଁଥିପାଇଁ ବାୟୁ ଭରିବା ସମୟରେ ସେମାନଙ୍କର ଫୁସଫୁସ ସଂପୂର୍ଣ୍ଣ ବିସ୍ତାର ହୋଇପାରୁ ନାହିଁ। ୮.୩ ପ୍ରତିଶତ ଲୋକଙ୍କ ଫୁସଫୁସରେ ବାୟୁ ଚଳାଚଳ ଅବରୋଧର ସମସ୍ୟା ଦେଖିବାକୁ ମିଳିଥିଲା, ଯାହା ବାୟୁକୁ ଫୁସଫୁସକୁ ଯିବାରେ କଷ୍ଟକର ଥିଲା। ଲାଇଫ ପରୀକ୍ଷାରେ ମଧ୍ୟ ନକାରାତ୍ମକ ପ୍ରଭାବକୁ ପ୍ରକାଶ ପାଇଥିଲା।
ଅନୁସନ୍ଧାନରେ ଅନେକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଥିଲା। ସିଏମଏସ ଭେଲୋରର ଫୁସଫୁସ ବିଭାଗର ଡାକ୍ତର ଡିଜେ ଖ୍ରୀଷ୍ଟୋଫର୍ କହିଛନ୍ତି ପ୍ରତ୍ୟେକ କ୍ଷେତ୍ରରେ ଭାରତୀୟ ରୋଗୀମାନେ ଚାଇନିଜ ଏବଂ ୟୁରୋପୀୟ ରୋଗୀଙ୍କ ତୁଳନାରେ ଅଧିକ ଖରାପ ଥିଲେ। ଏଥିସହ ଚାଇନିଜ ଏବଂ ୟୁରୋପୀୟମାନଙ୍କ ତୁଳନାରେ ମଧୁମେହ ଏବଂ ଉଚ୍ଚ ରକ୍ତଚାପରେ ପୀଡିତ ଭାରତୀୟଙ୍କ ସଂଖ୍ୟା ଅଧିକ ଥିଲା।
ନାନାବତୀ ହସ୍ପିଟାଲର ପଲମୋନୋଲୋଜିର ମୁଖ୍ୟ ଡାକ୍ତର ଡ଼. ସାଲିଲ ବେନ୍ଦ୍ରେଙ୍କ କହିବାନୁସାରେ, ସଂକ୍ରମଣ ପରେ ପ୍ରାୟ ୮ରୁ ୧୦ ଦିନ ପରେ କେତେକ କରୋନା ଆକ୍ରାନ୍ତଙ୍କୁ ହସ୍ପିଟାଲରେ ଭର୍ତ୍ତି କରାଯିବାର ଆବଶ୍ୟକତା ଦେଖାଦେଇଥିଲା। ଫୁସଫୁସରେ ଫାଇବରୋସିସ (କଠିନତା) ଯୋଗୁଁ ଅମ୍ଳଜାନ ସହାୟତା ଏବଂ ଷ୍ଟେରଏଡ ଚିକିତ୍ସା ଗ୍ରହଣ କରାଯାଇଥିଲା। ସେମାନଙ୍କ ମଧ୍ୟରୁ ପ୍ରାୟ ୯୫ ପ୍ରତିଶତ କ୍ଷେତ୍ରରେ ଫୁସଫୁସର କ୍ଷତି ଧୀରେ ଧୀରେ ଭଲ ହୋଇଥିଲା। ତେବେ ୪ରୁ ୫ ପ୍ରତିଶତ ଆକ୍ରାନ୍ତ ଦୀର୍ଘସ୍ଥାୟୀ ଭାବେ ଶ୍ୱାସକ୍ରିୟାରେ ଅସୁବିଧାର ସମ୍ମୁଖୀନ ହୋଇଥିଲେ।