କରୋନା ଭ୍ୟାକସିନ କେବେ ଦିଆଯିବ ତାକୁ ନେଇ ସାରା ବିଶ୍ୱ ଏବେ ଦିନ ଗଣୁଥିବା ବେଳେ କରୋନା ବଦଳାଇଛି ତା ରୂପ । ଏବେ ବ୍ରିଟେନର କୋଭିଡ-୧୯ ର ନୂଆ ଷ୍ଟ୍ରେନ ପୂର୍ବାପେକ୍ଷା ଅଧିକ ମାତ୍ରାରେ ସଂକ୍ରମଣ ବଢାଉଛି, ଯାହା ଏବେ ସାରା ବିଶ୍ୱ ପାଇଁ ବଡ ଚିନ୍ତା ପାଲଟିଛି । ଗୋଟେ ପଟେ ଟିକା କରଣକୁ ନେଇ ବିଭିନ୍ନ ରାଷ୍ଟ୍ର ପ୍ରସ୍ତୁତି ଆରମ୍ଭ କରିଥିବା ବେଳେ ବ୍ରିଟେନରେ କରୋନାର ନୂଆ ଷ୍ଟ୍ରେନ ପୁଣି ପରିସ୍ଥିତିକୁ ଖରାପ କରିଛି । ନୂଆ ସଂକ୍ରମଣକୁ ଦୃଷ୍ଟିରେ ରଖି ବ୍ରିଟେନ ସରକାର ଦେଶରେ ଲକଡାଉନ କଟକଣା ଜାରି କରିଛନ୍ତି । ପୂର୍ବ ଭୂତାଣୁ ତୁଳନାରେ ନୂଆ ଭୂତାଣୁ ୭୦ ପ୍ରତିଶତ ଅଧିକ ବେଗରେ ସଂକ୍ରମିତ ହେଉଛି । ବ୍ରିଟିଶ ପ୍ରଧାନମନ୍ତ୍ରୀ ବୋରିସ ଜନସନ୍ ଏକ ଖବରଦାତା ସମ୍ମିଳନୀରେ ଏହା ସୂଚନା ଦେଇଛନ୍ତି ।
