ଓ୍ବାଶିଂଟନ,୨୧।୧୨ : ଚାଇନା ସମେତ ବିଶ୍ୱର ଅନେକ ଦେଶରେ କରୋନା ସଂକ୍ରମଣ ପୁଣି ଥରେ ବ୍ୟାପିବା ଆରମ୍ଭ କରିଛି। ପ୍ରତିଦିନ ପାଞ୍ଚରୁ ଛଅ ଲକ୍ଷ ନୂତନ ଆକ୍ରାନ୍ତଙ୍କୁ ଚିହ୍ନଟ କରାଯାଉଛି। ସେହିପରି ୧,୫୦୦ରୁ ୨,୦୦୦ ଲୋକ ମଧ୍ୟ ମରୁଛନ୍ତି। ଚାଇନା ଏବଂ ଏହାର ଆଖପାଖ ଦେଶରେ ଅବସ୍ଥା ଖରାପ। ଏଥି ମଧ୍ୟରେ ଜାପାନ, ତାଇୱାନ, ହଂକଂ ରହିଛନ୍ତି।
ମଙ୍ଗଳବାର ଦିନ ଗୋଟିଏ ଦିନ ମଧ୍ୟରେ ପାଞ୍ଚ ଲକ୍ଷ ୫୯ ହଜାରରୁ ଅଧିକ ଲୋକ କରୋନା ସଂକ୍ରମିତ ହୋଇଥିବା ଜଣାପଡିଛି। ୧,୪୯୦ ଜଣଙ୍କର ମଧ୍ୟ ମୃତ୍ୟୁ ଘଟିଛି। ସାମଗ୍ରିକ ଆକଳନ ନୁସାରେ ବର୍ତ୍ତମାନ ପର୍ଯ୍ୟନ୍ତ୬୫ କୋଟି ୮୯ଲକ୍ଷରୁ ଅଧିକ ଲୋକ ସଂକ୍ରମିତ ହୋଇଛନ୍ତି। ଏଥିମଧ୍ୟରେ ୬୬ ଲକ୍ଷ ୭୫ ହଜାରରୁ ଅଧିକ ଲୋକଙ୍କ ମୃତ୍ୟୁ ଘଟିଛି। ସେହିପରି ୬୩ କୋଟି ୨୪ ଲକ୍ଷ ଲୋକ ସୁସ୍ଥ ହୋଇଛନ୍ତି।
୧୦ଟି ଦେଶଟି କରୋନା ସଂକ୍ରମଣ ନେଇ ଆତଙ୍କ ସୃଷ୍ଟି ହୋଇଛି। ସେସବୁ ଦେଶ ମଧ୍ୟରେ ଚାଇନା,ଆମେରିକା, ଜାପାନ, ତାଇୱାନ, ହଂକଂ, ଜର୍ମାନୀ,ଫ୍ରାନ୍ସ, ଦକ୍ଷିଣକୋରିଆ, ପେରୁ, ରୁଷିଆ ଆଦି ଦେଶ ରହିଛନ୍ତି। ସଂକ୍ରମଣକୁ ଦୃଷ୍ଟିରେ ରଖି ଏସବୁ ଦେଶରେ ସତର୍କତାମୂଳକ ପଦକ୍ଷେପ ଗ୍ରହଣ କରାଯାଇଛି।