ବିବାହର ମାତ୍ର ୩ ଦିନ ପୂର୍ବରୁ ଜଣେ କନ୍ୟା କରୋନା ପଜିଟିଭ୍ ଚିହ୍ନଟ ହେବା ପରେ ବି ବିବାହ ପାଇଁ ନିଷ୍ପତ୍ତି ନେଲେ। ଏବେ ଆପଣ ଭାବୁଥିବେ ଏ ବାହାଘର କେମିତି ସମ୍ଭବ। ମାତ୍ର ବିବାହ ପାଇଁ ଏହି ଦୁଇଜଣ ଏମିତି କିଛି କରିଥିଲେ ଯାହା ସୋସିଆଲ ମିଡିଆରେ ଚର୍ଚ୍ଚାର ବିଷୟ ପାଲଟିଛି।
କାଲିଫର୍ଣ୍ଣିଆରେ ରହୁଥିବା ପ୍ୟାଟ୍ରିକ୍ ଡେଲଗାଡୋ ଏବଂ ଲରିନ୍ ଜିମେନେଜ ବିବାହ ପାଇଁ ସବୁକିଛି ବନ୍ଦୋବସ୍ତ କରି ସାରିଥିଲେ। ମାତ୍ର ଏହାର ଠିକ୍ ୩ ଦିନ ପୂର୍ବରୁ କନ୍ୟା ଲରିନ୍ କରୋନାରେ ଆକ୍ରାନ୍ତ ହେଲେ। ଏହା ପରେ ଜେସିକା ଜ୍ୟାକ୍ସନ ନାମକ ଜଣେ ଫଟୋଗ୍ରାଫର ଏମାନଙ୍କର ଏମିତି ଫଟୋ ଏବଂ କାହାଣୀ ସୋସିଆଲ ମିଡିଆରେ ଶେୟାର କରିଛନ୍ତି ଯାହା ସମସ୍ତଙ୍କୁ ଚକିତ କରିଛି। ଫଟୋରେ ସେ କ୍ୟାପଶନ ଲେଖିଛନ୍ତି, ବିବାହର କିଛିଦିନ ପୂର୍ବରୁ ଯଦି ରିପୋର୍ଟ ପଜିଟିଭ୍ ଆସେ ତେବେ ଆପଣ କ’ଣ କରିବେ? ଯଦି ଆପଣଙ୍କୁ ଗୋଟିଏ ଘରେ ବନ୍ଦ କରି ରଖାଯାଏ ତେବେ ଆପଣଙ୍କ ମନର ଅବସ୍ଥା କ’ଣ ହେବ? ଆପଣଙ୍କୁ ଏ ଚିନ୍ତା ନିଶ୍ଚିତ ଆସିବ କେବେ ପୁଣି ବିବାହ କରିବେ। ତେବେ ଏମିତି ଆଶଙ୍କା ମଧ୍ୟରେ ଏହି ଯୋଡ଼ିଙ୍କ ମନକୁ ଏକ ଆଇଡିଆ ଆସିଥିଲା। ଜାଣନ୍ତୁ କେମିତି ବିବାହ ବନ୍ଧନରେ ବାନ୍ଧିହେଲେ ଏହି ଯୋଡ଼ି…
ସୋସିଆଲ ମିଡିଆରେ ଶେୟାର ହୋଇଥିବା ଭିଡିଓରେ ଦେଖିବାକୁ ମିଳିଛି, କନ୍ୟା ଏକ ଝରକା ଉପରେ ବସିଛନ୍ତି ଏବଂ ବର ତଳେ ଠିଆ ହୋଇଛନ୍ତି। ଦୁଇଜଣ ଏକ ଦଉଡ଼ି ସାହାଯ୍ୟରେ ବନ୍ଧା ହୋଇଛନ୍ତି। ପୋଷ୍ଟରେ ଜେସିକା କ୍ୟାପଶନ ଲେଖିଛନ୍ତି, କେମିତି କଠିନ ପରିସ୍ଥିତି ମଧ୍ୟରେ ଏହି ଯୋଡ଼ିଙ୍କ ବିବାହ ହେଉଛି ଦେଖ। ମୁଁ ତୁମ ଦୁହିଁଙ୍କୁ ଖୁବ୍ ଭଲ ପାଏ। ପ୍ରତି ସ୍ଥିତିକୁ ସର୍ବଶ୍ରେଷ୍ଠ କରିବା ପାଇଁ ଚେଷ୍ଟା କରିଛି। ତୁମମାନଙ୍କର ଦୃଷ୍ଟିକୋଣ ମୋତେ ପ୍ରେରଣା ଦେଇଛି। ଯେଉଁଥିପାଇଁ ଏହି ବହି ବିବାହ ସମ୍ଭବ ହୋଇପାରିଛି। ସୋସିଆଲ ମିଡିଆରେ ଏହି ଚର୍ଚ୍ଚିତ ବିବାହକୁ ବେଶ୍ ପ୍ରଶଂସା କରାଯାଇଛି।
