କେନ୍ଦୁଝର,୮ା୮(ସ୍ବ.ପ୍ର.): କେନ୍ଦୁଝର ଜିଲାରେ ଶନିବାର ଆଉ ଦୁଇ କରୋନା ରୋଗୀଙ୍କ ମୃତ୍ୟୁ ହୋଇଥିବା ଜିଲା ପ୍ରଶାସନ ପକ୍ଷରୁ ସୂଚନା ଦିଆଯାଇଛି। ଏହାକୁ ମିଶାଇ ଗତ ୫ ଦିନରେ ୪ ଜଣଙ୍କ ମୃତ୍ୟୁ ଘଟିଥିବାରୁ ଜିଲାବାସୀଙ୍କ ପାଇଁ ଚିନ୍ତାର କାରଣ ହୋଇଛି। ଉଭୟ ଆନନ୍ଦପୁର ଅଞ୍ଚଳର ବୋଲି ଜଣାପଡ଼ିଛି। ଏହାକୁ ମିଶାଇ ଆନନ୍ଦପୁର ଅଞ୍ଚଳରେ ମୃତ୍ୟୁସଂଖ୍ୟା ୩ ହୋଇଥିବା ବେଳେ ଅନ୍ୟ ଜଣେ ଯୋଡ଼ା ଅଞ୍ଚଳର। ଫଳରେ ଆନନ୍ଦପୁର ଅଞ୍ଚଳ ସମ୍ବେଦନଶୀଳ ହୋଇପଡୁଥିବାରୁ ସ୍ଥାନୀୟ ଲୋକଙ୍କ ମଧ୍ୟରେ ଭୟର ବାତାବରଣ ସୃଷ୍ଟି ହୋଇଛି। ଆନନ୍ଦପୁର ପୌରାଞ୍ଚଳ ଓ ଅନ୍ୟ କେତେକ ଅଞ୍ଚଳକୁ ପ୍ରଶାସନ କଣ୍ଟେନ୍ମେଣ୍ଟ ଜୋନ୍ ଘୋଷଣା କରି ଲୋକଙ୍କୁ ଅଧିକ ସଚେତନ କରାଇଛି। ସେହିପରି ଜିଲାରେ ୨ କରୋନା ଯୋଦ୍ଧା ଓ ଯୋଡ଼ା ବ୍ଲକ ସେରେଣ୍ଡା ଅଞ୍ଚଳରେ ଜଣେ ରୋଗୀକୁ ମିଶାଇ ସମୁଦାୟ ୩ କରୋନା ପଜିଟିଭ୍ ଥିବା ଜିଲା ପ୍ରଶାସନ ସୂଚନା ଦେଇଛନ୍ତି। ଦୁଇ ମୃତକଙ୍କ ବୟସ ୬୦ ଓ ୭୯। ଉଭୟ ପୁରୁଷ। ସେମାନେ ଅନ୍ୟାନ୍ୟ ରୋଗରେ ମଧ୍ୟ ଆକ୍ରାନ୍ତ ଥିଲେ।
ସୂଚନାଯୋଗ୍ୟ, ବର୍ତ୍ତମାନ ସୁଦ୍ଧା ଜିଲାରେ ମୋଟ୍ ଆକ୍ରାନ୍ତଙ୍କ ସଂଖ୍ୟା ୧୦୧୧ରେ ପହଞ୍ଚଛି। ୭୬୬ ଜଣ ସୁସ୍ଥ ହୋଇଥିବା ବେଳେ ୨୪୩ ଜଣ ଚିକିତ୍ସିତ ହେଉଛନ୍ତି।