ଗଞ୍ଜାମ,୫ା୭(ଡି.ଏନ୍.ଏ.): ଦୀର୍ଘ ପାଞ୍ଚମାସ ସଂଘର୍ଷ ପରେ ଶେଷରେ ଗଞ୍ଜାମ ବ୍ଲକକୁ କରୋନା ଛୁଇଁଥିବା ତହସିଲଦାର ଅବନୀ କୁମାର ସାହୁ ସୂଚନା ଦେଇଛନ୍ତି। ଗଞ୍ଜାମ ଏନ୍ଏସି ଓ୍ବାର୍ଡ ନଂ ୫ର ସ୍ତ୍ରୀ, ସ୍ବାମୀ ଓ ଗଞ୍ଜାମ ବ୍ଲକ ପାଳିବନ୍ଧ ପଞ୍ଚାୟତ ଖଟୁଆକୁଦା ଓଡିଆର୍ପି କଲୋନୀର ଜଣେ ଗର୍ଭବତୀ ମହିଳାଙ୍କ କରୋନା ପଜିଟିଭ୍ ଚି଼ହ୍ନଟ ହୋଇ ଥିବା ଜଣାପଡ଼ିଛି l ପଜିଟିଭ୍ ଜଣାପଡ଼ିବା ପରେ ସଂକ୍ରମଣ ଥିବା ବ୍ୟକ୍ତିମାନଙ୍କ ସଂସ୍ପର୍ଶରେ ଆସିଥିବା ଲୋକଙ୍କ ଘର ଆଗରେ କୋଭିଡ୍ ୧୯ ସିଲ ଲଗା ଯାଇଥିବା ଦେଖିବାକୁ ମିଳିଛି l ଓ୍ବାର୍ଡ ନଂ ୬ ବ୍ରାହ୍ମଣ ଢମଣା ସାହି ଓ ଲକ୍ଷ୍ମୀପୁର ଗ୍ରାମର ଜଣେ ବ୍ୟକ୍ତି ସଂକ୍ରମିତ ବ୍ୟକ୍ତିଙ୍କ ସଂସ୍ପର୍ଶରେ ଆସିଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି। ଏନେଇ ସ୍ଥାନୀୟ ପ୍ରଶାସନ ତଥା ବିଡିଓ ଜ୍ୟୋତି ଶଙ୍କର ରାୟ, ତହସିଲଦାର ଅବନୀ କୁମାର ସାହୁ, ଏନ୍ଏସି ଇଓ ପ୍ରଭୁ କଲ୍ୟାଣ ଦାସ, ଥାନା ଆଇଆଇସି ଦିଲୀପ କୁମାର ସାହୁ ପ୍ରମୁଖ ଉକ୍ତ ଅଞ୍ଚଳକୁ କଣ୍ଟେନ୍ମେଣ୍ଟ୍ ଜୋନ୍ ଘୋଷଣା ପାଇଁ ଆଲୋଚନା କରିଛନ୍ତି l ସମସ୍ତ କରୋନା ପଜିଟିଭ୍ଙ୍କୁ ଶିତଳାପଲ୍ଲୀ କୋଭିଡ୍ କେୟାର ସେଣ୍ଟରକୁ ପଠା ଯାଇଥିବା ପ୍ରଶାସନ ପକ୍ଷରୁ କୁହାଯାଇଛି l ପୂର୍ବରୁ ଏହି ବ୍ଲକ ଗ୍ରୀନ୍ ଜୋନ୍ରେ ଥିଲା l ଏଥିପାଇଁ ସ୍ଥାନୀୟ ପ୍ରଶାସନ ଦିନ ରାତି ଏକ କରି ଲୋକଙ୍କୁ ସଚେତନତା କରିଆସୁଛନ୍ତି।
