ଚଣ୍ଡିଗଡ,୧୮।୧୧: କରୋନା ବିରୋଧରେ ଲଢିବା ପାଇଁ ଟିକା ପ୍ରସ୍ତୁତି ଚାଲିଛି। ଏହି ସମୟରେ ହରିୟାଣା ଗୃହ ଓ ସ୍ବାସ୍ଥ୍ୟମନ୍ତ୍ରୀ ଅନିଲ ବିଜ ନିଜ ଉପରେ କରୋନା ଟିକା ପରୀକ୍ଷା କରିବାକୁ ନିଷ୍ପତ୍ତି ନେଇଛନ୍ତି। ଅନିଲ ତୃତୀୟ ତଥା ଅନ୍ତିମ ପର୍ଯ୍ୟାୟ ପରୀକ୍ଷଣରେ ହାଜର ହେବାକୁ ପ୍ରସ୍ତାବ ଦେଇଛନ୍ତି। ବୁଧବାର ଅନିଲ ବିଜ କହିଛନ୍ତି ଯେ, ହରିୟାଣା ଯୋଗୁ ଦିଲ୍ଲୀରେ ସଂକ୍ରମଣ ବୃଦ୍ଧି ହେଉଥିବା ଅଭିଯୋଗ କରିଥିବା ଆମ ଆଦମୀ ପାର୍ଟି (ଏଏପି) ନେତାମାନେ ପ୍ରଥମେ ଦିଲ୍ଲୀରେ ସଂକ୍ରମଣରୁ ମୁକ୍ତି ପାଇବା ବିଷୟରେ ଚିନ୍ତା କରିବା ଉଚିତ୍। ସେ କହିଛନ୍ତି ଯେ ବର୍ତ୍ତମାନ ଜୀବନ ଏବଂ କରୋନାରୁ ବଞ୍ଚିବା ପାଇଁ ଏକସଙ୍ଗରେ ଲଢିବା ଠିକ୍ ହେବ। ସୂଚନାଯୋଗ୍ୟ, ଭାରତ ବାୟୋଟେକ ପକ୍ଷରୁ ପ୍ରସ୍ତୁତ ଟିକାର ତୃତୀୟ ପର୍ଯ୍ୟାୟ ପରୀକ୍ଷା ଆରମ୍ଭ ହୋଇଛି। ଭାରତର ୨୫ଟି କେନ୍ଦ୍ରରୁ ୨୬ ହଜାର ସ୍ବେଚ୍ଛାସେବୀଙ୍କ ଉପରେ ଏହା ପରୀକ୍ଷା ହେବ। ଇଣ୍ଡିଆନ କ୍ୟାନସର ଅଫ ମେଡିକାଲ ରିସର୍ଚ୍ଚ ଅର୍ଥାତ୍ ଆଇସିଏମ ସହିତ ସହଭାଗିତାରେ ଏହି ପରୀକ୍ଷା କରାଯାଉଛି। ସ୍ବେଚ୍ଛାସେବୀ ମାନଙ୍କୁ ଆସନ୍ତା ବର୍ଷ ପର୍ଯ୍ୟନ୍ତ ନଜରରେ ରଖାଯିବ। ଭାରତରେ କୋଭିଡ ୧୯ ଟିକା ପାଇଁ ଏହା ହେଉଛି ସବୁଠାରୁ ବଡ କ୍ଲିନିକାଲ ପରୀକ୍ଷା।