ମହାମାରୀ କରୋନାର ଦ୍ୱିତୀୟ ଲହର ଭାରତ ପାଇଁ ଭୟଙ୍କର ସାବ୍ୟସ୍ତ ହୋଇଛି। ପ୍ରଭାବିତ ରାଜ୍ୟଗୁଡ଼ିକର କିଛି ଫଟୋ ଭାଇରାଲ ହେବା କ୍ଷଣି ଆଖି ଓଦା କରୁଛି। ଲୋକମାନେ ଅକ୍ସିଜେନ୍ ଏବଂ ଆବଶ୍ୟକୀୟ ଔଷଧ ନ ମିଳିବା ଯୋଗୁ ଆଖି ବୁଜୁଛନ୍ତି। ଡାକ୍ତରଖାନା ଏବଂ ଶ୍ମଶାନ ବାହାରେ ଲମ୍ବା ଲାଇନ ଦେଖିବାକୁ ମିଳୁଛି। ସେଥିରୁ କିଛି କିଛି ଦେଖି ମହାମାରୀର ଭୟାବହତା କେତେ ତାହା ସ୍ପଷ୍ଟ ଅନୁମେୟ କରିହେଉଛି। ଆସନ୍ତୁ ସେଭଳି କିଛି ଫଟୋ ଓ ତା’ ପଛର କାହାଣୀକୁ ଜାଣିବା:
ଜୌନପୁରରା ଏହି ଫଟୋଟି କେବଳ ଯେ କରୋନା ତାହା ନୁହେଁ ସମାଜ କେତେ ନିଷ୍ଠୁର ତାହା ବୟାନ କରୁଛି। ଜଣେ ବୃଦ୍ଧାଙ୍କ ମୃତ୍ୟୁ କରୋନାରେ ମୃତ୍ୟୁ ହେବା ପରେ ଅନ୍ତିମ ସଂସ୍କାରରେ କେହି ବି ଆଗକୁ ଆସି ନ ଥିଲେ। ଫଳରେ ବାଧ୍ୟ ହୋଇ ସ୍ତ୍ରୀଙ୍କ ମୃତଦେହକୁ ସାଇକେଲରେ ରଖି ଶ୍ମଶାନ ଆଣିଥିଲେ ବୃଦ୍ଧ।
ଏହି ଫଟୋଟି ଆଗ୍ରାର। ଏଠାରେ ଚିକିତ୍ସା ଅଭାବରୁ ଜଣେ ମହିଳା ଗୁରୁତର ଥିବା ସ୍ବାମୀଙ୍କୁ ମୁହଁରେ ଅମ୍ଳଜାନ ଦେଇ ଚିକିତ୍ସା କରିବାକୁ ଚେଷ୍ଟା କରିଥିଲେ। ହେଲେ ସେ ତାଙ୍କୁ ବଞ୍ଚାଇପାରିଥିଲେ।
ଏହି ଫଟୋଟି ବନାରସର। ଡାକ୍ତରଖାନା ନ ମିଳିବା ଯୋଗୁ କରୋନାରେ ପୀଡ଼ିତ ପୁଅ ଅଟୋରେ ବସିଥିବା ମା’ଙ୍କ କୋଳରେ ଆଖି ବୁଜିଥିଲେ।
ଗୋରଖପୁରର ଏହି ଫଟୋ। ଡାକ୍ତରଖାନାରେ ଭର୍ତ୍ତି ନ ହୋଇ ପାରିବା ଯୋଗୁ ଜଣେ ଯୁବକ ନିଜ ବାପାଙ୍କୁ ହରାଇଥିଲେ।
ଆଜମଗଡ଼ର ଏହି ଫଟୋରେ ଜଣେ ନିସହାୟ ମା’ଙ୍କୁ ଦେଖାଯାଉଛି। ସେ ନିଜ ପୁଅଙ୍କ ମରଶରୀରକୁ ଧରି କାନ୍ଦୁଛନ୍ତି। କାରଣ କରୋନାରେ ପୀଡ଼ିତ ହେବା ପରେ ତାଙ୍କୁ ଠିକ୍ ସମୟରେ ଚିକିତ୍ସା ମିଳିପାରି ନ ଥିଲା। ଫଳରେ ତାଙ୍କର ମୃତ୍ୟୁ ଘଟିଥିଲା।
ବିହାରର ଏହି ଫଟୋ। ଏଥିରେ ପୁଅଙ୍କୁ କରୋନାରେ ହରାଇବା ପରେ ଜଣେ ମା’ଙ୍କ ହୃଦୟଫଟା କାନ୍ଦ ଦେଖିବାକୁ ମିଳିଛି।
ଫଟୋରେ ଶ୍ମଶାନ ଆଗରେ ମୃତଦେହଙ୍କ ଲମ୍ବା ଲାଇନ୍ ଦେଖିବାକୁ ମିଳିଥିଲା। ଏହା କରୋନାର ଭୟାବହତାକୁ ଦର୍ଶାଇଥିଲା।