ବେଜିଂ,୪।୧: ସମଗ୍ର ବିଶ୍ୱ ବର୍ତ୍ତମାନ କରୋନା ମହାମାରୀ ସହିତ ଲଢୁଛି। ଏହି ଭୂତାଣୁର ନୂଆ ଷ୍ଟ୍ରେନ୍ ପୁଣି ଥରେ ଲୋକଙ୍କୁ ଭୟଭୀତ କରିଛି। ଏହି ସମୟରେ ଚାଇନାରୁ କରୋନା ସମ୍ପର୍କରେ ଆସିଥିବା ଆଉ ଏକ ଖବର ଆହୁରି ଚକିତ କରିଛି।
ଚାଇନାରେ ଅଟୋ ପାର୍ଟସ ବ୍ୟବସାୟ କମ୍ପାନୀ ପ୍ୟାକେଜିଂ ନମୁନା ନେବା ପରେ ଅନେକ ପ୍ୟାକେଜ କରୋନା ସଂକ୍ରମିତ ହୋଇଥିବା ଜଣାପଡ଼ିଛି। ଯାହା ଲୋକଙ୍କ ହୋସ୍ ଉଡ଼ାଇ ଦେଇଛି। ଦେଶର ବିଭିନ୍ନ ସ୍ଥାନରୁ ଅଟୋ ପାର୍ଟ ପ୍ୟାକେଜିଂ ନମୁନା ନିଆଯାଇଥିଲା। ଯାହା ପରେ ଏଥିରେ କରୋନା ଭୂତାଣୁ ଥିବା ପ୍ରମାଣ ମିଳିଛି।
ଚାଇନାର କୋଭିଡ-୧୯ର ପ୍ରତିରୋଧ ଏବଂ ନିୟନ୍ତ୍ରଣ କାର୍ଯ୍ୟାଳୟ ଅନୁଯାୟୀ, ସ୍ଥାନୀୟ ଚାଇନାର ଶାଙ୍କ୍ସୀ ଜିଲାର ଜିନ୍ଚେଙ୍ଗ୍ ସିଟିରେ ଅଟୋ ଟାୟାର ପ୍ୟାକେଜିଂରେ ସ୍ଥାନୀୟ ରୋଗ ନିୟନ୍ତ୍ରଣ ଏବଂ ନିରାକରଣ କେନ୍ଦ୍ର ଏହି ଭୂତାଣୁ ଚିହ୍ନଟ କରିଛି।
ଏହା ପରେ ତୁରନ୍ତ ଜରୁରୀକାଳିନ ଚିକିତ୍ସା ଆରମ୍ଭ କରାଯାଇଥିଲା ଏବଂ ଗାଡ଼ି ପାର୍ଟର ସଂସ୍ପର୍ଶରେ ଆସିଥିବା କର୍ମଚାରୀମାନଙ୍କୁ ଅଲଗା କରାଯାଇଥିଲା। ସେହି କର୍ମଚାରୀମାନଙ୍କୁ ଛାଡ଼ି ବାକି ସମସ୍ତଙ୍କ ରିପୋର୍ଟ ନେଗେଟିଭ୍ ଆସିଛି। ସଂକ୍ରମିତ ଜିନିଷଗୁଡ଼ିକ ନିଛାଟିଆ ସ୍ଥାନରେ ସମ୍ପୂର୍ଣ୍ଣ ସିଲ୍ କରାଯାଇଛି।
ସ୍ଥାନୀୟ ଅଧିକାରୀଙ୍କ କହିବାନୁସାରେ, ଗାଡ଼ି ପାର୍ଟ ପ୍ୟାକେଜିଂରୁ ନିଆଯାଇଥିବା ଅନ୍ୟ ତିନୋଟି ପଜିଟିଭ୍ ନମୁନା ହେବେଇ ଜିଲାର କାଙ୍ଗଜୋ ସହରରେ ଏବଂ ଶାଣ୍ଡୋଙ୍ଗ ଜିଲା ୟନ୍ତାଇ ଏବଂ ଲିନିରେ ଦେଖିବାକୁ ମିଳିଛି।
ଚାଇନାର ବିଭିନ୍ନ ସହରରେ ସମ୍ପୃକ୍ତ ଅଟୋ ପାର୍ଟସ ଏବଂ କର୍ମଚାରୀଙ୍କ ଉପରେ ନ୍ୟୁକ୍ଲିକ୍ ଏସିଡ୍ ପରୀକ୍ଷା କରାଯାଇଥିଲା, ଯାହାକି କୋଭିଡ-୧୯ରୁ ମୁକ୍ତ ହୋଇଥିବା ଅଟୋ ପାର୍ଟ ବିକ୍ରିରେ ନିୟୋଜିତ ବେଜିଂସ୍ଥିତ କମ୍ପାନୀର ଜଣେ କର୍ମଚାରୀ ଏବଂ ଡିସେମ୍ବର ଶେଷରେ କିଛି ଅଟୋ ପାର୍ଟ ପ୍ୟାକେଜରେ ସଂକ୍ରମିତ ହୋଇଥିଲା।