ସିଡ୍ନୀ, ୧୨।୧୦: ପୃଥିବୀରେ କରୋନା ମହାମାରୀ ସଂକ୍ରମଣ ଥମିବାର ନାଁ ଧରୁନି। ସଂକ୍ରମିତଙ୍କଠାରୁ ଭିନ୍ନ ଭିିନ୍ନ ମାଧ୍ୟମରେ କରୋନା ଭୂତାଣୁ ସୁସ୍ଥ ଲୋକଙ୍କ ପାଖକୁ ଆସିଥାଏ। କରୋନା ଭୂତାଣୁ ଟଙ୍କା ଏବଂ ମୋବାଇଲ୍ ସ୍କ୍ରିନ୍ରେ ୨୮ ଦିନ ପର୍ଯ୍ୟନ୍ତ ଜୀବିତ ରହିଥାଏ। ଏ ସମ୍ପର୍କରେ ଅଷ୍ଟ୍ରେଲିଆର ଜାତୀୟ ବିଜ୍ଞାନ ସଂସ୍ଥା ପକ୍ଷରୁ ପ୍ରକାଶିତ ଏକ ଗବେଷଣା ରିପୋର୍ଟରେ ଉଲ୍ଲେଖ କରାଯାଇଛି। ଘରର ସାଧାରଣ ତାପମାତ୍ରା ୨୦ ଡିଗ୍ରୀ ସେଣ୍ଟିଗ୍ରେଡ୍ ଅର୍ଥାତ୍ ୬୮ ଡିଗ୍ରୀ ଫାରେନହାଇଟ୍ରେ କରୋନା ଭୂତାଣୁ ସହଜରେ ଜୀବିତ ରହି ପାରିଥାଏ। ଫ୍ଲୁ ଭୂତାଣୁ ଏପରିସ୍ଥଳେ ୧୭ ଦିନ ବଞ୍ଚିବାକୁ ସକ୍ଷମ ହୋଇଥାଏ। ସେହିପରି ସାର୍ସ ଭୂତାଣୁ ଟଙ୍କା ଏବଂ ମୋବାଇଲ୍ ସ୍କ୍ରିନ୍ରେ ୪୦ ଡିଗ୍ରୀ ସେଣ୍ଟିଗ୍ରେଡ୍ ତାପମାତ୍ରାରେ ୨୪ ଘଣ୍ଟା ବଞ୍ଚି ରୁହେ ବୋଲି ରିପୋର୍ଟରେ ପ୍ରକାଶ ପାଇଛି। ତେବେ ୟୁଭି ଲାଇଟ୍ର ବ୍ୟବହାର ଦ୍ୱାରା କରୋନା ଭୂତାଣୁକୁ ନଷ୍ଟ କରାଯାଇପାରେ। ଏହି ରିପୋର୍ଟ ଭିରୋଲୋଜି ପତ୍ରିକାରେ ପ୍ରକାଶ ପାଇଛି।