ଛତ୍ରପୁର, ୪।୮(ଡି.ଏନ୍.ଏ.): ଗଞ୍ଜାମ ପୋଲିସ ଜିଲା ଅଧୀନ ତାରସିଂ ଥାନାର କରୋନା ଯୋଦ୍ଧା ଏଏସ୍ଆଇ ଶିବରାମ ଦାଶଙ୍କର ସୋମବାର କରୋନାରେ ମୃତ୍ୟୁ ଘଟିଥିଲା। ମଙ୍ଗଳବାର ଛତ୍ରପୁର ଠାରେ ତାଙ୍କର ପାର୍ଥିବ ଶରୀରକୁ ପୋଲିସ ପକ୍ଷରୁ ଗାର୍ଡ ଅଫ୍ ଅନର ଦିଆଯାଇଛି। ଗଞ୍ଜାମ ଏସ୍ପି ବ୍ରିଜେଶ କୁମାର ରଏଙ୍କ ଉପସ୍ଥିତିରେ ୨ ମିନିଟ ନିରବ ପ୍ରାର୍ଥନା କରାଯାଇଥିଲା। ମୃତ ଏଏସ୍ଆଇଙ୍କ ଘର ଛତ୍ରପୁର ବ୍ଲକ ପୋଡ଼ପଦର ଗାଁରେ। ସ୍ଥାନୀୟ ସରପଞ୍ଚ ପିତାମ୍ବର ପଣ୍ଡା ପୁଷ୍ପଗୁଚ୍ଛ ଦେଇ ଶ୍ରଦ୍ଧାଞ୍ଜଳି ଦେଇଥିଲେ। ତାଙ୍କ ପରିବାର ପ୍ରତି ସମବେଦନା ଜଣାଇବା ସହ ଆମର ପୋଲିସ କରୋନା ଯୋଦ୍ଧାମାନେ ନିଜ ନିଜ ଡ୍ୟୁଟି କରିଆସୁଛନ୍ତି ବୋଲି ଏସ୍ପି କହିଛନ୍ତି। ବର୍ତ୍ତମାନ ସୁଦ୍ଧା ଗଞ୍ଜାମ ପୋଲିସରେ କାର୍ଯ୍ୟରତ ୨ ଏଏସ୍ଆଇ, ଜଣେ କନଷ୍ଟେବଳ, ଜଣେ ହୋମଗାର୍ଡଙ୍କ ମୃତ୍ୟୁ ହୋଇଛି। ଆଗାମୀ ଦିନରେ କରୋନା ହାରିବ ଏବଂ ଆମେ ଜିତିବୁ ବୋଲି ଏସ୍ପି କହିଛନ୍ତି।