ନୂଆଦିଲ୍ଲୀ,୩ ।୧: କଟକଣା ପରେ ବି ବଢି ଚାଲିଛି କରୋନା ସଂକ୍ରମିତଙ୍କ ସଂଖ୍ୟା । ଗୋଟିଏ ପଟେ କରୋନା ଅନ୍ୟପଟେ ଓମିକ୍ରନ୍ ସଂକ୍ରମଣ ଏବେ ଦୋବଶସୀଙ୍କୁ ଚିନ୍ତାରେ ପକାଇଦେଲାଣି । ଗତ ୨୪ ଘଣ୍ଟା ମଧ୍ୟରେ ଦେଶରେ ୩୨ ହଜାରରୁ ଅଧିକ ନୂଆ ସଂକ୍ରମିତ ଚିହ୍ନଟ ହେବା ସହ ୧୬ ଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ଏହାସହ ୧୦ ହଜାରରୁ ଅଧିକ ସଂକ୍ରମିତ ସୁସ୍ଥ ବି ହୋଇଛନ୍ତିି । ପୁଣିଥରେ କରୋନା ସଂକ୍ରମଣରେ ଆଗରେ ରହିଛି ମହାରାଷ୍ଟ୍ର । ଏଠାରେ ୧୧ ହଜାରରୁ ଅଧିକ ସଂକ୍ରମିତଙ୍କୁ ଗୋଟିଏ ଦିନରେ ଚିହ୍ନଟ କରାଯାଇଛି । ଏହାସହ ପଶ୍ଚିମବଙ୍ଗରେ ୬.୧୫୩, ଦିଲ୍ଲୀରେ ୩,୧୯୪, କେରଳରେ ୨,୮୦୨ ଓ ତାମିଲନାଡୁ ଓ କର୍ନାଟକରେ ବି ଗୋଟିଏ ଦିନ ମଧ୍ୟରେ ହଜାର ହଜାର କରୋନା ସଂକ୍ରମିତ ଚିହ୍ନଟ ହେବା ଚିନ୍ତାର କାରଣ ହେଲାଣି । ମହାରାଷ୍ଟ୍ରରେ ୧୧ହଜାରରୁ ଅଧିକ କରୋନା ସଂକ୍ରମିତଙ୍କ ସହ ରବିବାର ସୁଦ୍ଧା ୫୦ ଓମିକ୍ରନ୍ ସଂକ୍ରମିତଙ୍କୁ ମଧ୍ୟ ଚିହ୍ନଟ କରାଯାଇଛି ।
