FILE PHOTO: Test tube labelled "COVID-19 Omicron variant test positive" is seen in this illustration picture taken January 15, 2022. REUTERS/Dado Ruvic/Illustration
ହାଇଦ୍ରାବାଦ,୨୦ ।୫: ଭାରତରେ କରୋନାର ନୂଆ ଭାରିଏଣ୍ଟ ମିଳିଛି । ଏହା ଓମିକ୍ରନ୍ର ସବ୍ ଭାରିଏଣ୍ଟ ବିଏ.୪ ର ପ୍ରଥମ ସଂକ୍ରମଣ ବୋଲି କୁହାଯାଉଛି । ଆଫ୍ରିକାରୁ ଫେରିଥିବା ଜଣେ ବ୍ୟକ୍ତିଙ୍କ ନିକଟରେ ଏହି ଭାରିଏଣ୍ଟ ଦେଖାଦେଇଛି । କୋଭିଡ-୧୯ ଜିନୋମିକ ସର୍ଭିଲାନ୍ସ ପୋଗ୍ରାମ ମାଧ୍ୟମରେ ଏହି ଭାରିଏଣ୍ଟକୁ ଚିହ୍ନଟ କରାଯାଇଛି । ଏହି ଭାରିଏଣ୍ଟ ମିଳିବା ପରେ ବଶେଷଜ୍ଞମାନେ କହିଛନ୍ତି ଦେଶର ଅନ୍ୟ ଭାଗରେ ବି ଏହି ଭାରିଏଣ୍ଟ ସଂକ୍ରମିତ ରୋଗୀ ମିଳିପାରନ୍ତି ।
ମିଳିଥିବା ସୂଚନା ଅନୁସାରେ ହାଇଦ୍ରାବାଦ ଏୟାର ପୋର୍ଟରେ ଜଣେ ଆଫ୍ରିକୀୟ ବ୍ୟକ୍ତି ଆସିଥିଲେ । ତାଙ୍କର ସାମ୍ପଲ ଏୟାରପୋର୍ଟରେ ନିଆଯାଇଥିଲା । ବ୍ୟକ୍ତି ଜଣକ ମେ’ ୯ରେ ଆସି ମେ’ ୧୬ରେ ଫେରିଯାଇଥିଲେ । ସେତେବେଳେ କିନ୍ତୁ ତାଙ୍କଠାରେ କୌଣସି ଲକ୍ଷଣ ଦେଖାଯାଇ ନ ଥିଲା । ଏପଟେ ଅଧିକାରୀମାନେ କହିଛନ୍ତି କି ଓମିକ୍ରନ୍ ବିଏ.୪ର ପ୍ରଥମ ସଂକ୍ରମଣ ଜାନୁୟାରୀର ଆଫ୍ରିକାରେ ମିଳିଥିଲା । ପରେ ଏହି ଭାରିଏଣ୍ଟ ଅନ୍ୟ ଦେଶକୁ ବ୍ୟାପି ଯାଇଥିଲା । ଏବେ ଏହା ଭାରତରେ ଦେଖାଯାଇଥିବାରୁ ଏହା ଆଗକୁ ସଂକ୍ରମଣ କରିପାରେ ବୋଲି ଅନୁମାନ କରାଯାଉଛି । ଏହା ଅତ୍ୟନ୍ତ ମାରାତ୍ମକ ଭାରିଏଣ୍ଟ ବୋଲି କୁହାଯାଉଛି । ତେବେ ଭାରତରେ ବହୁ ସଂଖ୍ୟାରେ ଲୋକେ କରୋନା ଟିକା ନେଇଯାଇଥିବାରୁ ଏହା ଭାରତରେ ଏତେଟା ପ୍ରଭାବ ପକାଇବ ନାହିଁ ବୋଲି କୁହାଯାଉଛି ।