ଭୁବନେଶ୍ୱର,୨୬।୫(ବ୍ୟୁରୋ): ରାଜ୍ୟରେ ଦିନକୁ ଦିନ କରୋନା ଆକ୍ରାନ୍ତଙ୍କ ଦ୍ରୁତ ଗତିରେ ବଢ଼ିବାରେ ଲାଗିଛି। ମଙ୍ଗଳବାର ସକାଳେ ରାଜ୍ୟରେ ଆଉ ୭୯ କରୋନା ପଜିଟିଭ୍ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୧୫୧୭କୁ ବୃଦ୍ଧି ହୋଇଛି। ଏନେଇ ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ମିଳିଛି। ନୂଆ ଚିହ୍ନଟ ଆକ୍ରାନ୍ତଙ୍କ ମଧ୍ୟରୁ ଗଞ୍ଜାମ ୫, ଯାଜପୁର ୨, ବାଲେଶ୍ୱର ୪, ଖୋର୍ଦ୍ଧା ୪, ପୁରୀ ୪, କଟକରେ ସର୍ବାଧିକ ୧୬, କେନ୍ଦ୍ରପଡ଼ା ୬, ନୟାଗଡ଼ ୩, ବଲାଙ୍ଗୀର ୧୪, ଅନୁଗୋଳ ୧, କେନ୍ଦୁଝର ୮, କନ୍ଧମାଳ ୭, ଢ଼େଙ୍କାନାଳ ୩, ଝାରସୁଗୁଡ଼ା ୧ ଓ ସୁବର୍ଣ୍ଣପୁରରେ ଜଣେ ରହିଛନ୍ତି। ତେବେ ନୂଆ ଚିହ୍ନଟ ହୋଇଥିବା ୭୯ ଆକ୍ରାନ୍ତଙ୍କ ମଧ୍ୟରୁ ୭୧ଜଣ କ୍ୱାରାଣ୍ଟାଇନ୍ ସେଣ୍ଟରର ଓ ୮ଟି ଲୋକାଲ କେସ୍ ରହିଥିବା ଜଣାପଡ଼ିଛି। ପ୍ରଥମ କରି ସୁବର୍ଣ୍ଣପୁର ଜିଲାରେ କରୋନା ଆକ୍ରାନ୍ତ ଚିହ୍ନଟ ହୋଇଛି। ଏହାକୁ ମିଶାଇ ୨୯ଟି ଜିଲା ଏବେ କରୋନା କବଳରେ। ଅପରପକ୍ଷେ ରାଜ୍ୟରେ ଚିହ୍ନଟ ହୋଇଥିବା ୧୫୧୭ ଆକ୍ରାନ୍ତଙ୍କ ମଧ୍ୟରୁ ୮୬୧ ଚିକିତ୍ସିତ ହେଉଥିବା ବେଳେ ୬୪୯ଜଣ ସୁସ୍ଥ ହୋଇଛନ୍ତି। ସେଥିମଧ୍ୟରୁ ୭ଜଣଙ୍କ ମୃତ୍ୟୁ ଘଟିଛି ବୋଲି ସ୍ବାସ୍ଥ୍ୟ ବିଭାଗ ସୂଚନା ଦେଇଛି।