ଭୁବନେଶ୍ୱର,୭।୧୧(ବ୍ୟୁରୋ): ରାଜ୍ୟରେ କରୋନା ପ୍ରକୋପ ଜାରି ରହିଛି। କିଛି ଦିନ ହେବ କରୋନା ଗ୍ରାଫ୍ ତଳକୁ ଖସୁଥିବା ବେଳେ ତାହା ବି ସନ୍ତୋଷଜନକ ନୁହେଁ। ଶନିବାର ରାଜ୍ୟରେ ପୁଣି ୧୩୭୨ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ କରୋନା ଆକ୍ରାନ୍ତ ସଂଖ୍ୟା ୩ ଲକ୍ଷ ଟପିଛି। ତେବେ ନୂଆ ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରୁ ୭୯୬ କ୍ୱାରାଣ୍ଟାଇନ୍ ସେଣ୍ଟର ଓ ୫୬୭ ଲୋକାଲ କେସ୍ ରହିଛି। ଏନେଇ ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ମିଳିଛି। ରାଜ୍ୟରେ ୧୩୭୨ କରୋନା ପଜିଟିଭ ଚିହ୍ନଟ ହୋଇଛନ୍ତି। ୩୦ଟି ଜିଲାରୁ ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରେ ଖୋର୍ଦ୍ଧା ଜିଲାରୁ ସର୍ବାଧିକ ୧୪୫, କଟକରୁ ୧୨୧ ଓ ନୂଆପଡ଼ାରୁ ୧୦୮ ଜଣ ରହିଛନ୍ତି। ସେହିପରି ଅନୁଗୋଳ ୮୧, ବାଲେଶ୍ୱର ୩୧, ବରଗଡ଼ ୪୦, ଭଦ୍ରକ ୩୧, ବଲାଙ୍ଗୀର ୪୦, ବୌଦ୍ଧ ୨, ଦେବଗଡ଼ ୮, ଢ଼େଙ୍କାନାଳ ୨୫, ଗଜପତି ୪, ଗଞ୍ଜାମ ୨୧, ଜଗତସିଂହପୁର, ୭୦, ଯାଜପୁର ୩୪, ଝାରସୁଗୁଡ଼ା ୩୩, କଳାହାଣ୍ଡି ୪୦, କନ୍ଧମାଳ ୧୧, କେନ୍ଦ୍ରାପଡ଼ା ୬୫, କେନ୍ଦୁଝର, ୪୦, କୋରାପୁଟ ୨୦, ମାଲକାନଗିରି ୨୦, ମୟୁରଭଞ୍ଜ ୭୮, ନବରଙ୍ଗପୁର ୨୬, ନୟାଗଡ଼ ୩୨, ପୁରୀ ୫୩, ରାୟଗଡ଼ା ୧୧, ସମ୍ବଲପୁର ୩୭, ସୋନପୁର ୧୯, ସୁନ୍ଦରଗଡ଼ ୯୬ ଓ ଷ୍ଟେଟ ପୁଲରୁ ୩୦ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି। ବର୍ତ୍ତମାନ ରାଜ୍ୟରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୩୦୦୧୪୦ରେ ପହଞ୍ଚିଛି। ସେଥିମଧ୍ୟରୁ ୨,୮୫,୧୭୪ଜଣ ସୁସ୍ଥ ହୋଇଥିବା ବେଳେ ୧୩,୫୦୩ ଜଣ ଆକ୍ରାନ୍ତ ବିଭିନ୍ନ ହସ୍ପିଟାଲରେ ଚିକିତ୍ସିତ ହେଉଛନ୍ତି। ଏନେଇ ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ରହିଛି।