ଭୁବନେଶ୍ୱର,୨୩।୬(ବ୍ୟୁରୋ): ରାଜ୍ୟରେ ସୁସ୍ଥ ହେଲେ ଆଉ ୧୨୫ କରୋନା ଆକ୍ରାନ୍ତ। ଏନେଇ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ମଙ୍ଗଳବାର ଅପରାହ୍ନରେ ଟୁଇଟ୍ କରି ସୂଚନା ଦିଆଯାଇଛି। ଆରୋଗ୍ୟ ଲାଭ କରିଥିବା ବ୍ୟକ୍ତିମାନଙ୍କ ମଧ୍ୟରେ ଖୋର୍ଦ୍ଧାର ୩୩ଜଣ ଥିବା ବେଳେ ପୁରୀର ୧୭, କଟକର ୧୪, ମୟୂରଭଞ୍ଜର ୧୩, ଗଞ୍ଜାମର ୧୦, କେନ୍ଦୁଝରର ୯, ଯାଜପୁରର ୮, ନୂଆପଡ଼ାର ୬, କେନ୍ଦ୍ରାପଡ଼ା-ଜଗତସିଂହପୁରର ୪, ସୁନ୍ଦରଗଡ଼ର ୩, ବଲାଙ୍ଗୀରର ୨, କନ୍ଧମାଳ-ମାଲକାନଗିରିର ଜଣେ ଲେଖାଏ ଅଛନ୍ତି। ଏହାକୁ ମିଶାଇ ରାଜ୍ୟରେ ମୋଟ ସୁସ୍ଥ ସଂଖ୍ୟା ୩୯୮୮ରେ ପହଞ୍ଚିଥିବା ବିଭାଗ ପକ୍ଷରୁ କୁହାଯାଇଛି। ତେବେ ସକାଳେ ୧୬୯ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଥିଲେ।
