ଡେରାବିଶ,୩।୭(ସ୍ବ.ପ୍ର.): ଛାତ୍ରୀଛାତ୍ରଙ୍କ ଉନ୍ନତ ଶିକ୍ଷାଦାନ ପାଇଁ ରାଜ୍ୟ ସରକାର ୫-ଟି ଯୋଜନାରେ ବିଦ୍ୟାଳୟଗୁଡ଼ିକର ରୁପାନ୍ତରିକରଣ କାମ କରୁଛନ୍ତି ା ତେବେ ଡେରାବିଶ ବ୍ଳକ ଅଧୀନରେ ସମୁଦାୟ ୨ ପର୍ଯ୍ୟାୟରେ ୧୩ ବିଦ୍ୟାଳୟକୁ ଏହି ଯୋଜନାରେ ସାମିଲ କରାଯାଇଛି ା ପ୍ରଥମ ପର୍ଯ୍ୟାୟରେ ୪ ବିଦ୍ୟାଳୟର କାର୍ଯ୍ୟ କରାଯାଇଥିବା ବେଳେ ଦ୍ୱିତୀୟ ପର୍ଯ୍ୟାୟରେ ୯ ବିଦ୍ୟାଳୟର ରୁପାନ୍ତରିକରଣ କାର୍ଯ୍ୟ କରାଯାଇଛି ା ଏଥିପାଇଁ ପ୍ରତି ବିଦ୍ୟାଳୟ ପାଇଁ ବ୍ଲକ ପକ୍ଷରୁ ୩୮ ଲକ୍ଷ ଟଙ୍କା ବ୍ୟୟ ବରାଦ କରାଯାଇଥିଲା ା ସେହି ଟଙ୍କାରେ ବିଦ୍ୟାଳୟର ଗୃହ ମରାମତି, ରଙ୍ଗ ସଫେଇତି, ଶ୍ରେଣୀଗୃହରେ ଛାତ୍ରୀଛାତ୍ରଙ୍କ ପାଇଁ ଇନ୍ଟ୍ରାକ୍ଟିଭ ଡିଜିଟାଲ୍ ପ୍ୟାନେଲ ସହିତ ଛାତ୍ରୀଛାତ୍ରଙ୍କ ବସିବା ପାଇଁ ଉନ୍ନତ ମାନର ବେଞ୍ଚ, ଡେସ୍କ, ପାଠାଗାର, ବିଜ୍ଞାନାଗାର ସହିତ କମ୍ପ୍ୟୁଟରରେ ପିଲାଙ୍କୁ ଶିକ୍ଷାଦାନ ବ୍ୟବସ୍ଥା ରହିଛି ା ମାତ୍ର ବ୍ଳକ ଅଧୀନ ପଲେଇ ପଞ୍ଚାୟତ ଅଢ଼ଙ୍ଗା ମଲ୍ଲିକେଶ୍ୱରପୁର ମଲ୍ଲିକେଶ୍ୱର ନୋଡ଼ାଲ୍ ଉଚ୍ଚବିଦ୍ୟାଳୟ, ଚାନ୍ଦୋଳ ପଞ୍ଚାୟତ ଗଣେଶପୂୁର ଲାଲବାହାଦୂର ଶାସ୍ତ୍ରୀ ଉଚ୍ଚ ବିଦ୍ୟାଳୟ, ହରିଅଙ୍କ ପଞ୍ଚାୟତର ପଞ୍ଚାୟତ ନୋଡ଼ାଲ୍ ଉଚ୍ଚବିଦ୍ୟାଳୟ ଓ ଯଅଁରାବାରିମୂଳ ପଞ୍ଚାୟତ ଉଚ୍ଚବିଦ୍ୟାଳୟକୁ ୫-ଟି ଯୋଜନାରେ ଅନ୍ତର୍ଭୁକ୍ତ କରାଯାଇ ଏହି ବିଦ୍ୟାଳୟର ରୁପାନ୍ତରିକରଣ କରାଯାଇଛି। ହେଲେ ଉପରୋକ୍ତ ୪ ବିଦ୍ୟାଳୟ ପାଇଁ ଦାୟିତ୍ୱରେ ଥିବା ବ୍ଳକ କନିଷ୍ଠ ଯନ୍ତ୍ରୀ ପ୍ରଦୀପ ସାମନ୍ତରୟ ଅତିନିମ୍ନମାନର ଇନ୍ଟ୍ରାକ୍ଟିଭ୍ ଡିଜିଟାଲ୍ ପ୍ୟାନେଲ୍ ସହ ନିମ୍ନମାନର ଚେୟାରଟେବୁଲ୍ କ୍ରୟ କରିଥିଲେ ା କେତେକ ବିଦ୍ୟାଳୟରେ ପୁରୁଣା କାନ୍ଥରେ ରଙ୍ଗ ମାରି ବିଲ୍ କରିଥିବା ଭଳି ଗୁରୁତର ଅଭିଯୋଗ ହୋଇଥିଲା। ଅଭିଯୋଗ ପାଇଲା ପରେ ୫-ଟି ବିଭାଗର ଏକ ୫ ଜଣିଆ ପ୍ରତିନିଧି ଦଳ ବିଦ୍ୟାଳୟଗୁଡ଼ିକ ପରିଦର୍ଶନ କରିବା ପରେ ଅସନ୍ତୋଷ ପ୍ରକାଶ କରିଥିଲେ। ଏହାକୁ ନେଇ ଜିଲାପାଳ ଅମୃତ ଋତୁରାଜଙ୍କ ନିର୍ଦ୍ଦେଶ କ୍ରମେ ଜିଲା ଗ୍ରାମ୍ୟ ଉନ୍ନୟନ ପ୍ରକଳ୍ପ ନିର୍ଦ୍ଦେଶକ ଦିଲ୍ଲୀପ କୁମାର ପରିଡ଼ା ଜୁନ୍ ୧୭ରେ କର୍ତ୍ତବ୍ୟରେ ଅବହେଳା ପାଇଁ କନିଷ୍ଠଯନ୍ତ୍ରୀ ସାମନ୍ତରାଙ୍କୁ ଚାକିରୀରୁ ନିଲମ୍ବିତ କରିଥିଲେ ା ଏହି ନିଲମ୍ବନ ଆଦେଶ ବଳରେ କନିଷ୍ଠଯନ୍ତ୍ରୀ ସାମନ୍ତରାୟ, କେନ୍ଦ୍ରାପଡ଼ା ବ୍ଳକ କାର୍ଯ୍ୟାଳୟରେ ଯୋଗଦେଇଛନ୍ତି ା କେନ୍ଦ୍ରାପଡ଼ା ବିଡ଼ିଓଙ୍କ ବିନା ଅନୁମତିରେ ସେ କୌଣସି ସରକାରୀ କାର୍ଯ୍ୟରେ ବ୍ଳକ କାର୍ଯ୍ୟାଳୟର ବାହାରକୁ ଯିବେ ନାହିଁ ବୋଲି ପ୍ରକଳ୍ପ ନିର୍ଦ୍ଦେଶକ ନିଲମ୍ବନ ପତ୍ରରେ ସାମନ୍ତରାୟଙ୍କୁ ନିର୍ଦ୍ଦେଶ ଦେଇଥିଲେ। ମାତ୍ର ସମସ୍ତ ନିର୍ଦ୍ଦେଶନାମାକୁ ଉଲ୍ଲଂଘନକରି କନିଷ୍ଠଯନ୍ତ୍ରୀ ସାମନ୍ତରାୟ ତାଙ୍କର ପୂର୍ବ କାର୍ଯ୍ୟାଳୟ ଡେରାବିଶ ବ୍ଳକରେ ରହି ପୁରୁଣା ବିଲ୍ କାମ କରୁଥିବା ଦେଖିବାକୁ ମିଳୁଛି ା ଏ ସଂକ୍ରାନ୍ତରେ ପ୍ରକଳ୍ପ ନିର୍ଦ୍ଦେଶକ ପରିଡ଼ାଙ୍କୁ ଯୋଗାଯୋଗ କରାଯାଇଥିଲା ା ସେ କହିଛନ୍ତି, ଏଭଳି ଖବର ତାଙ୍କ ପାଖରେ ନାହିଁ ା ତେବେ ଡେରାବିଶ ବିଡ଼ିଓଙ୍କ ସହ ଏ ବିଷୟରେ ଯୋଗାଯୋଗ କରି ସେ ଯାହା କିଛି ପଦକ୍ଷେପ ନେବେ ା ଏ ସଂକ୍ରାନ୍ତରେ କନିଷ୍ଠଯନ୍ତ୍ରୀ ସାମନ୍ତରାୟ କହିଛନ୍ତି, ମୋ ବିରୋଧରେ ଆସିଥିବା ଅଭିଯୋଗ ସମ୍ପୂର୍ଣ୍ଣ ଭିତ୍ତିହୀନ ା ମୁଁ କୌଣସି ନିୟମ ଉଲ୍ଲଂଘନ କରିନାହିଁ ା ଏବେ ମୁଁ କେନ୍ଦ୍ରାପଡ଼ା ବ୍ଲକ୍ରେ ରହି କାମ କରୁଛି ା
ଏ ସଂକ୍ରାନ୍ତରେ ବରିଷ୍ଠ ଆଇନଜୀବୀ ବିଧୁଭୂଷଣ ମହାପାତ୍ର କହିଛନ୍ତି, ମଲ୍ଲିକେଶ୍ୱରପୁର ଉଚ୍ଚବିଦ୍ୟାଳୟ ପରିସରରେ ଥିବା ଶୌଚାଳୟଗୁଡ଼ିକ ବର୍ଷକ ତଳେ ନିର୍ମାଣ ହୋଇଥିଲା। ବିଦ୍ୟାଳୟର ଏକ ୧୮୦ ଫୁଟ ଲମ୍ବର ଶ୍ରେଣୀଗୃହକୁ କନିଷ୍ଠଯନ୍ତ୍ରୀ କାହା ନିର୍ଦ୍ଦେଶରେ ସମ୍ପୂର୍ଣ୍ଣ ଭାଙ୍ଗିଛନ୍ତି ତାହାର ତୁରନ୍ତ ତଦନ୍ତ କରାଯାଉ। କେବଳ ସେତିକି ନୁହେଁ ଇନ୍ଟ୍ରାକ୍ଟିଭ୍ ଡିଜିଟାଲ୍ ପ୍ୟାନେ୍ଲ ପ୍ରତ୍ୟେକ ବିଦ୍ୟାଳୟ ପାଇଁ ୨ଲକ୍ଷ ୧୫ ହଜାର ଟଙ୍କା ବ୍ୟୟରେ ଏଲ୍ଜି କମ୍ପାନୀର କ୍ରୟ କରିବାକୁ ନିର୍ଦ୍ଦେଶ ଥିବା ବେଳେ ଅତିକମ୍ ଦାମ୍ର ଡିଜିଟାଲ୍ ପ୍ୟାନେଲ୍ କ୍ରୟ କରି ବିଦ୍ୟାଳୟରେ ଲଗାଯାଇଥିବା ବିଧୁଭୂଷଣ କହିଛନ୍ତି, ଯାହାକି ଖୁବ୍ଶୀଘ୍ର ଅଚଳ ହେବାର ସମ୍ଭାବନା ରହିଛି। ଏହି ପ୍ୟାନେଲ୍ ଛାତ୍ରୀଛାତ୍ରଙ୍କ ଭବିଷ୍ୟତରେ କୌଣସି କାମରେ ଲାଗିବ ନାହିଁ ବୋଲି ମହାପାତ୍ର ୫-ଟି ସଚିବଙ୍କୁ ଅବଗତ କରିଥିବା ଅଭିଯୋଗରେ ଦର୍ଶାଇଛନ୍ତି ା ସେହିପରି ଲାଲବାହଦୂର ଉଚ୍ଚବିଦ୍ୟାଳୟ, ଯଅଁରାବାରିମୂଳ ପଞ୍ଚାୟତ ଉଚ୍ଚବିଦ୍ୟାଳୟ ଓ ହରିଅଙ୍କ ଉଚ୍ଚବିଦ୍ୟାଳୟରେ କରାଯାଇଥିବା କାର୍ଯ୍ୟର ବିଧିବଦ୍ଧ ତଦନ୍ତ କରିବା ପାଇଁ ବିଧୁଭୂଷଣ ୫-ଟି ସଚିବ ଓ ଜିଲା ପ୍ରଶାସନ ନିକଟରେ ଦାବି କରିଛନ୍ତି।